Solicitude de reserva de praza para o alumnado

que cambia de etapa educativa

Boas! 

Nesta entrada, deixámosvos a documentación que precisades cubrir para a reserva de praza do alumnado que cambia de etapa educativa (Educación Infantil a Educación Primaria, Educación Primaria a Educación Secundaria Obrigatoria,...) e desexa continuar estudos no centro de adscrición.

O alumnado de 6º continúa os seus estudos no IES A Xunqueira 1. O prazo de entrega da documentación é do 16 de xaneiro ao 6 de febreiro.

As solicitudes presentaranse no centro de orixe, mediante un formulario que vos faremos chegar de forma física, pero que tamén anexamos aquí (Anexo I) para que poidades descargar. 

Se preferides, o tedes dispoñible para descarga na web da Consellería de Educación. 

Por ultimo, tamén podedes facer a reserva de praza a través da aplicación informática “admisión alumnado” co certificado dixital ou a Chave365. 

Toda a información aquí. www.edu.xunta.es/admisionalumnado/

Moi importante: A consulta das listaxes de alumnado admitido, que se publicarán antes do 28 de febreiro, debe realizarse no centro no que está matriculado no presente curso ou na aplicación "admisionalumnado".