CEIP Rosalía de Castro POL

Listado de alérxenos do menú deste mes

Para acceder ao resto de menús, preme AQUí

Esta semana despedimos á nosa auxiliar de conversa, Priyanka, procedente da India, con ela fixemos un Proxecto sobre o seu país e a súa cultura. Fixemos un mural, escribimos os nosos nomes en hindi e máis degustamos un menú indio. 

Que ilusión nos fai que veñan as familias a nosa biblioteca. Milleiros de gracias Leo por vir pasar un ratiño con nosoutros e contarnos uns contiños. Agardamos que o pasaras igual de ben que nosoutros. Agardamos ver máis familias na Biblio de Lupi.

Álbum: CURSO 23-24 -> CONTACONTOS FAMILIAS

Fondo solidario de libros de texto e axudas para a adquisición de libros de texto e material escolar curso 2024-2025

ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/2025 (código de procedemento ED330B).

 **Dirixidas a alumnado que cursa actualmente 6º de Infantil e de 1º a 6º de Primaria

Adxúntase as instrucións a seguir e máis os anexos I e II, que deberán cubrir para solicitar a axuda:

Nesta data, por cursos baixamos ao comedor para elaborar (coa axuda da nosa cociñeira Azucena) os nosos propios xeados saudables de fresa e plátano, con iogur e froita natural que poderemos degustar de sobremesa no menú do comedor de mañá.

Álbum: CURSO 23-24 -> 38. XEADOS SAUDABLES

Durante a semana das Letras Galegas o alumnado investigou sobre Luísa Villata, a autora homenaxeada este ano, para posteriormente elaborar un cómic sobre a súa vida  e obra e expoñelo oralmente a todo o Centro.

Tamén decoramos as nosas palabras favoritas en galego coas que finalmente elaboramos unha chapa.

Este ano tivemos que adiar a saída que programamos todos os cursos por estas datas debido á chuvia. 

Álbum: CURSO 23-24 -> 37. LETRAS GALEGAS

Hoxe comemos un menú moi especial cociñado pola nosa fantástica auxiliar de conversa e a súa parella. 

Con moito agarimo preparáronnos tres pratos típicos da cociña da India:

Estaba todo boísimo!

Hai unha sobremesa que triunfa sempre neste cole: a torta de Oreo.

E o mellor é que non soamente gozámola cando a comemos, tamén nos encanta cociñala!

Álbum: CURSO 23-24 -> OS REPOSTEIROS!

Listado de alérxenos do menú deste mes

Para acceder ao resto de menús, preme AQUí