Estimadas familias:

Hoxe, 21 de maio, a Xunta de Galicia abriu o prazo para solicitar as axudas para libros de texto e material escolar para o alumnado de primaria. O prazo remata o 21 de xuño.

Podedes presentar as vosas solicitudes de xeito telemático ou presencialmente na secretaría do centro. O horario de atención ao público no centro é 9:30 a 11:15 e de 12:15 a 13:30 de luns a venres e os luns pola tarde de 16:30 a 18:30.

Podedes descargar o formulario de solicitude nos seguintes enlaces:

- Solicitude fondo libros e axudas material escolar.

- Orde de convocatoria.

Para celebrar o Día da Paz (30 de xaneiro), as nenas e nenos do noso centro elaboraron plumas con mensaxes relacionadas con este día tan sinalado. Con estas plumas crearon unhas fermosas ás. No seguinte vídeo podedes ver o resultado:

Estimada Comunidade Educativa e Veciñal:

Nunha sociedade na que o sedentarismo está formando parte da vida cotiá de cada neno e nena, o fomento da actividade física resulta crucial para que o seu desenvolvemento tanto físico como emocional sexa completo.

No CEIP Ramón de la Sagra carecemos de espazos nos que levar a cabo estes aspectos, tan importantes para a educación integral do noso alumnado.  O patio cuberto que se está empregando como pavillón non cumpre, nin de lonxe, co cometido de fomento e promoción da actividade física. Este espazo necesita unha serie de melloras, como a reparación integral do chan. Por esta razón, fixemos unha proposta de investimento nos presupostos participativos do Concello da Coruña que podedes APOIAR ata o día 10 de outubro.

Máis información premendo na imaxe: