Estimadas familias, dirixímonos a vds. por mor do seguinte...

A partires de xaneiro, haberá modificacións nas saídas para que sexan máis fluídas. Quedando do seguinte xeito:

-          Ás 13:55h comezará a saír o alumando na seguinte orde:

o   3º, 2º e 1º de E. Primaria.

o   4º, 5º e 6º de E. Primaria.

Desexando a toda a comunidade educativa que pasen unhas boas festas!!

Dirección.

Comunicado ás familias

Segundo a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021/22, infórmase que:

- Todas as solicitudes foron admitidas e aprobadas provisionalmente (expostas no hall de entrada ao centro).

- Teñen dous días para facer as oportunas reclamacións se procede.

- A partires de dous días, resoltas as reclamacións que houbese, permanezan atento@s á páx. web onde se indicará o procedemento para entregalas (xa están encargadas).

Saúdos.

A Dirección

RECORDATORIO DATA E HORAS DE VOTACIONS PARA ELECCIONS DE REPRESENTANTES DO CONSELLO ESCOLAR

•  Día 22 de novembro:

Celebración das votacións de:

-  Profesorado: das 11:30h ás 12:30h.

-  Persoal de administración e servizos de 13:00h a 13:30 horas.

-  Pais, nais e titores legais do alumnado, das 15:30h ás 18:30 horas.

* Lembrar traer documento identificativo (DNI, NIE, Carnét de conducir), para poder facer a votación.

Grazas pola súa participación.

Saúdos.

A dirección.

O venres 12 de novembro publicouse a Orde do 28 de outubro de 2021 pola que se regulan os criterios e o procedemento de distribución de máscaras entre o alumnado de educación primaria.

Dita Orde podedes consultala no seguinte enlace:

https://www.xunta.gal/dog/Publicados/2021/20211112/AnuncioG0598-081121-0001_es.html

Serán BENEFICIARIOS de máscaras o seguinte alumnado:

• O alumnado que resultou beneficiario das axudas de material escolar (non ten que presentar solicitude)

• O alumnado que NON foi beneficiario das axudas de material escolar ten que presentar solicitude (achegar copia do libro de familia) e cumprir os criterios establecidos na Orde anteriormente citada: Renda familiar per cápita igual ou inferior a 6000 euros (renta ano 2019); se é alumnado de Educación Especial, se está suxeito a tutela ou garda da Xunta de Galicia ou ten unha discapacidade recoñecida de máis do 65%.

As SOLICITUDES realizaranse de forma presencial no centro educativo. Será preciso solicitar CITA PREVIA para proceder a súa entrega.

O PRAZO de entrega será do 15 ao 26 de novembro ambos inclusive.

Na páxina web se publicará o procedemento para a entrega das máscaras, así como as datas establecidas para o mesmo.

No anexo vai o modelo de solicitude.

Un saúdo.

            Atte.: A Dirección

COMUNICACIÓN ÁS FAMILIAS

Dirixímonos a vds. para informarlles que na barra lateral dereita teñen o calendario escolar do presente curso 21/22 establecido pola Consellería de Cultura, Educación e Universidade.

Do mesmo xeito informarlles que os días non lectivos escollidos polo centro, son os mesmos que se propuxeron na asociación de directores/as de A Coruña, e que son os seguintes:

- 7 de decembro de 2021,

- 16 de maio de 2022.

En calquera caso, para estes días enviarase recordatorio por abalar.

Grazas.

A Dirección