Para despedir as clases de plástica bilingüe e a primavera os nenos e nenas de segundo creamos uns tulipáns de papiroflexia. Mirade que coloridos! Bye, bye spring! Ata pronto primavera!
Os últimos días de plástica bilingüe os nenos e nenas de primeiro e segundo tamén aprendemos que son os fósiles. Para iso, creamos un fósil de amonites empregando arxila branca e uns modelos en miniatura que imprimimos na impresora 3D que hai na biblioteca do colexio. Unha vez secos pintámolos de diferentes cores, tendo que chegar a un consenso para escoller a cor do noso equipo colaborativo! Agardamos que vos gusten!
A última semana do mes de maio despedímonos de Isabella, a nosa auxiliar de conversa procedente de Georgia (Estados Unidos), e para que sempre nos recorde creamoslle un libriño cos nosos mellores desexos. Ademais, en mostra do noso agradecemento regalámoslle unha medalla feita coa impresora 3D. Foi moi enriquecedor para nós contar coa súa axuda nas clases de inglés e plástica bilingüe! Thank you Isabella! See you soon!
Este trimestre nas clases de plástica bilingüe o alumnado de primeiro e segundo de primaria creou uns coloridos flower vase (xarróns de flores). Ao mesmo tempo, e grazas á axuda de Isabella, a nosa auxiliar de conversa, continuamos repasando o vocabulario dos números, as cores e o material escolar. Agardamos que vos guste o resultado!
Para celebrar o día de San Patricio os nenos e nenas de segundo creamos unhas postais con forma de leprechaun uns duendes de orixe irlandesa que, segundo conta a lenda, teñen unha pota de ouro agochada no final do arco da vella! Agardamos que vos gusten!
Para despedir o inverno, nas clases de plástica bilingüe en primeiro e segundo de primaria creamos unhas mittens (manoplas). Para iso, empregamos dous anacos de papel charol de cores diferentes e fómolos trenzando como se calcetaramos con la de verdade! Agardamos que vos gusten!
O 24 de febreiro celébrase o Día de Rosalía de Castro. Para homenaxeala os nenos e nenas de primeiro e segundo nas clases de plástica bilingüe coloreamos retratos seus con estilo "Pop art". Despois, compuxemos un mural con todos eles. Agardamos que vos guste!
Aquí tedes o resultado da proposta de plástica para primeiro e segundo da semana pasada. Grazas a todos por enviarnos desde a casa os vosos "Winter Snowglobe" (bólas de cristal invernais). Agardamos que o pasarades ben facéndoos! Quedaronvos xenial!
