Visitas

Obradoiros Ecocomedores

Mar, 02/05/2023 - 13:39 — ma_rodriguez

O venres 28 de abril, o alumnado de 3º, 4º e 5º participou na primeira xornada informativa do proxecto Ecocomedores, na que se buscará fomentar unha alimentación máis consciente, saudable e sostible. impulsados polo Grupo de Desenvolvemento Rural do Condado Paradanta.

Desta forma, o noso cole pasa a formar parte da Rede Ecocomedores, participando en diversas actividades que teñen como obxectivo promover os produtos locais, ecolóxicos e de tempada no territorio.

Clica na imaxe para ver as fotografías do obradoiro.

Álbum: Curso 2022-2023 -> Obradoiros ecocomedores

Mural

Xov, 13/04/2023 - 10:08 — ma_rodriguez

Proxecto: Os dinosauros en infantil

Mar, 28/03/2023 - 10:59 — Anónimo

As dúas aulas de educación infantil tiveron unha actividade moi lúdica para ir poñendo fin ao seu proxecto de dinosauros.

Realizamos unha entrevista a uns paleontólogos da universidade danesa de Aarhus.

Responderon moi amablemente a todas as nosas preguntas.

Moitas grazas a todo o seu equipo!

Plantando árbores con pinceis

Ven, 10/03/2023 - 16:36 — ma_rodriguez

Este xoves o alumnado de primaria participou na actividade Plantando árbores con pinceis.

Os nenos e nenas de 2º, 3º e 4º usaron pinturas ecolóxicas para personalizar bolsas.

A rapazada de 5º e 6º participou na elaboración dun mural na entrada traseira do centro que, ademais de decorar, coida do medio ambiente axudando a limpar o aire que respiramos.

Álbum: Curso 2022-2023 -> Plantando árbores con pinceis

Obradoiro de Ecopercusión

Mér, 25/01/2023 - 18:00 — ma_rodriguez

O mércores 25 de xaneiro o alumnado de 3º e 4º de primaria participou nun obradoiro de ecopercusión, a cargo do perccusionista Didier Díaz, aprendendo ritmos feitos con instrumentos de material reciclado, coma cubos de pintura, botes...

XOGADE: Sesión de Xogaloita

Mar, 24/01/2023 - 12:26 — Anónimo

O luns 20, como parte do Plan Proxecta "Proxectos de Vida Activa e Deportiva (PVAD), o alumnado de 4º de educación primaria participou na actividade de Xoga-Loita.

Leer máis

Aprendemos a usar a radio

Mar, 24/01/2023 - 01:00 — Anónimo

No día de hoxe, Ponte... nas Ondas estivo ensinándonos, tanto ao alumnado de 5º EP como ao profesorado, a usar a radio escolar.

Foi unha gran experiencia!

RadioEmociónate. Actualizado

Lun, 21/11/2022 - 16:00 — Anónimo

O venres 7 de outubro o alumnado de 5º e 6º participou na gravación dun programa de radio na biblioteca do centro.

Previamente, compartimos con vós diversas imaxes e momentos da grabación.

Hoxe, deixámosvos o programa enteiro, para que desfrutedes da maxia da radio.

Leer máis

Aliméntate ben! Fai Clic ao teu Bocata

Mar, 15/11/2022 - 16:09 — ma_rodriguez

Hoxe visitáronnos os monitores de "Fai Clic ao teu Bocata", para falalrnos de comida saudable e das conservas de produtos do mar.

Imaxinación ao poder, facendo un bocata saudable de maneira rápida e sinxela.

Facendo clic na seguinte imaxe, poderás ver algunhas das cousiñas que fixemos nestes interesantes obradoiros:

(Actualizado o venres 18 con novas fotos!)

Álbum: Curso 2022-2023 -> Fai Clic ao teu Bocata

Obradoiros de Permacultura

Mar, 15/11/2022 - 14:40 — ma_rodriguez

Neste primeiro trimestre, o alumnado de primaria participou nuns obradoiros de permacultura.

Pero, que é a permacultura?

A permacultura é un sistema de principios de deseño agrícola e social focalizados na simulación ou directamente no uso de padróns e características observados no ecosistema natural (David Holmgren e Bill Mollison, 1978)

A verba "permacultura" alude a agricultura permanente, pero pasou tamén a equivaler a cultura permanente, xa que se entende que os aspectos sociais son unha parte conformante dun sistema verdadeiramente sostible .

A permacultura é unha filosofía de traballar con, e non contra a natureza; de observación prolongada e ben meditada, en vez dun labor longo e desconsiderado; e de observar todas e cada unha das funcións propias das plantas e dos animais, en lugar de tratar calquera área como un sistema de produción única (Mollison).