As nosas actividades

BROTAN OS CASTAÑOS

Curso 22-23

Xa comezan a asomar as castañas que plantamos na xornada de talleres do inicio do curso.

Xornadas de Formación Nutriescolas 1 para docentes.

Escola de Saúde Pública.

Santiago de Compostela

21 de xaneiro de 2023.

O pasado 21 de xaneiro de 2023, profesarado coordinador do Plan Proxecta+ Aliméntate máis, asistiu a unha xornada de formación para docentes, na Escola de Saúde Pública en Santiago de Compostela. Nesta formación os docentes recibiron directrices para levar a cabo os diferentes proxectos nos centros educativos, onde o obxectivo fundamental de unha vida saudable pasa por unha alimentación sa e equilibrada. Tomar conciencia que o período de crecemento do alumnado vai ser fundamental para adquirir o hábito alimenticio, descubrir os sabores...

Plantando Amorodos.

1ºEd. Primaria.

O pasado venres día 2 de decembro, o alumnado de 1º de Educación Primaria, saimos plantar ao bancal do noso nivel, amorodos.

Como xa tiñamos a terra preparada e con plástico, tivemos que facer os buratos, meter a planta e poñerlle terra, para que en breve, gomen ricos amorodos. Agora estaremos pendentes de regar e coidalas. 

Campo a Través Zonal 22-23.

Área Recreativa Ribeira de Caldelas ( Tui)

12 novembro 2022

O pasado sábado día 12 de novembro de 2022, en horario de mañá, tivo lugar a proba de Campo a Través da presente Campaña Deportiva, organizado pola Agrupación Deportiva Baixo Miño en coordinación coa Secretaría Xeral para o Deporte,  nas Instalacións do área Recreativa da Ribeira de Caldelas (Tui). O noso alumnado participante gozou dunha gran xornada, acadando grandes resultados, que lles dan o pase para participar no Campionato Provincial de Campo a Través. Noraboa!.

Na categoría Benxamín Feminina o equipo clasificouse no 2º posto. Sendo María de 2ºA a 3ª clasificada individual da categoría.

Na categoría Benxamín Masculina o equipo clasificouse no 1º posto. Sendo Raúl de 3ºA a 2º clasificado individual da categoría.

Na categoría Alevín Feminina o equipo clasificouse no 2º posto. Sendo Elena de 4ºC a 3ª clasificada individual da categoría.

Na categoría Alevín Masculina o equipo clasificouse no 2º posto. 

Noraboa a tod@s! atoparedes máis información cos resultados, fotos e videos da proba en agrudebam, premede sobre o logo de agrudebam.

Plantando amorodos.

O venres 11 de novembro de  2022, o alumnado de 5ºA e de 3ºB estiveron plantando amorodos, na horta. Así, na zona que medran as framboesas, teremos unha zona de froitos vermellos, no que medrarán exquisitos amorodos tamén.

Así quedou a nosa plantación, agora a esperar os seus froitos.

Plantando gramón na horta.

Hoxe venres, 11 de novembro o alumnado voluntario da horta, estivo no recreo plantando gramón, para facer da nosa horta un espazo máis limpo, sen malas herbas.

Cando medre teremos unha horta xardín para gozar, plantándo alimentos saudables. Grazas equipo

CAMPO A TRAVÉS

HORARIO LECTIVO.

Hoxe, 4 de novembro de 2022 tivo lugar a primeira das actividades deportivas de Agrudebam. A proba de campo a través en horario lectivo, para o alumnado de 4º e 5º na Ribeira de Caldelas entre as 10:00h e as 12:30h.

Xa temos dispoñibles os resultados en Agrudebam, clicade sobre o logo para  acceder, dende logo fixéstelo xenial.