A lexislación vixente asigna ao consello escolar unha serie de atribucións, entre as que destacamos as seguintes:
- Aprobar o proxecto educativo do centro e, se é o caso, introducir modificacións nel, sen prexuízo das competencias que corresponden ao claustro de profesores no tocante á planificación e organización docente.
- Decidir sobre a admisión do alumnado, con suxeición ao establecido pola normativa vixente.
- Aprobar e modificar as NOF.
- Aprobar o proxecto de orzamento do centro e a súa execución.
- Aprobar a programación xeral anual do centro, respectando os aspectos docentes que lle competen ao claustro.
- Constituir no seu seo unha comisión económica e unha comisión de convivencia, ou calquera outra de carácter estable ou temporal.
- Emitir informe sobre a memoria anual do centro.