Actividades normalización

Un ano máis na nosa escola tivemos "O Magosto", non podiamos deixar de celebralo. É unha das festas que máis nos gusta e este ano fixémola por cursos, xa que aínda non podemos mesturarnos, xogos populares, que nos prepararon as mestras de Educación Física cos seus magníficos axudantes, as nenas e nenos de 6º de E. Primaria. Resultou ser unha xornada marabillosa á que puxemos punto final degustando as castañas que nos asou Nati. Estaban boísimas! Deixámosvos aquí unha pequena mostra do día.

DESEXAMOS QUE VOS GUSTE! 

Música: "TRES CASTAÑAS POLO CHAN" de Susa Herrera e "CHEGOU MAGOSTO" de Jesús Pareja.

8 de marzo, "Día da Muller".

Este ano co gallo do día da muller decidimos achegarnos as mulleres da Idade Media para afondar así un pouco máis dentro desa etapa histórica que estamos a traballar dende o noso proxecto de Centro: "Viaxe a Idade Media"

Pareceunos apaixoante coñecer o papel da muller galega nesa etapa histórica, unha etapa na que o papel das mulleres sempre estaba oculto e explicado en chave masculina, por iso decidimos visualizalo.

Escomenzamos os nosos proxecto de investigación:

1º Que sabemos? Poñémolo en común e sacamos as primeiras conclusións.

2º Investigamos, buscamos información.

3ª Organizámola e seleccionámola.

4º Montámola.

E aquí vos deixamos dúas mostras do resultado das nosas investigacións.

 VER O ENTROIDO NAS AULAS 

Este curso non poidemos celebrar o Entroido como a nós nos gustaría, pero, non importa, sempre buscamos o lado positivo das cousas.

Non puidemos facer "FESTA", mais si o celebramos nas nosas aulas, investigando, aprendendo, aportando, cooperando e como non disfrazándonos.Viva o ENTROIDO! 

Deixámosvos un video co noso traballo de investigación. Un ronsel de flores, orellas e filloas para todas e todos.

Preme na imaxe para ver o video e verás que bonito.

Celebramos o Nadal no CEIP Manuel Padín Truiteiro. de Manuel Padín Truiteiro