CHARLA "QUE DEBEN SABER AS FAMILIAS SOBRE DROGAS E OUTRAS ADICIÓNS" (31 maio, no salón de actos)
O MARTES, 31 DE MAIO de 17:30 a 19:00 h., ofrecerémosvos a familias e profesorado, unha charla sobre "QUE DEBEN SABER AS FAMILIAS SOBRE DROGAS E OUTRAS ADICIÓNS"
Organiza: PLDA (Plan local de Drogas e outras Adicións) do Concello de Vigo.
Imparte: Lucía Simón, Psicóloga. Asociación Érguete de Prevención e Intervención en Condutas Adictivas.
Lugar: salón de actos do CEIP PLURILINGÜE JAVIER SENSAT
Destinatarios: familias e educadores.
Cada familia é diferente e a forma de relacionarse e interactuar cos seus/súas fillos/as tamén, non caben receitas nin xeneralizacións.
Faise necesario adaptarse ás circunstancias e características específicas de cada un dos nosos fillos e da nosa familia, os seus costumes e valores, o seu modelo educativo e as súas expectativas e obxectivos, o que obriga a responder a preguntas como as que se tratarán:
- Son as drogas un novo reto para as familias?
- Como apartamos aos nosos fillos/as das drogas?
- Que fago se un dos meus fillos/as chega borracho a casa ou se descubro que fuma porros?
- Que pode motivar ao meu/miña fillo/a a consumir drogas?
- Que sei sobre drogas e que debería saber?
- Que consecuencias pode ter o consumo?
- Que adición preocúpame máis: drogas, tecnoloxía, pornografía, videoxogos?
- Que ferramentas de prevención podo utilizar?
ANIMÁDEVOS A VIR!