Á Doblada gústalle o galego!
Prezadas familias:
Dende o luns 11 de marzo teremos instalado na escola un photocall: un fondo deseñado polo mesmo autor dos ratos e queixos de vinilo que adornan as ventás e paredes da biblioteca, para que posemos todos os membros da comunidade educativa que apoiamos o galego.
Pedímosvos a vosa colaboración axudándolles ás vosas fillas e fillos a idear un lema "A min gústame o galego para...” ou “a min gústame o galego porque..." e a deseñar o cartel onde plasmalo con material de refugallo e co que posarán e posaredes.
Xa vos notificaremos a data para que poidades participar na sesión fotográfica.
Moitas grazas
O Equipo de Dinamización da Lingua Galega