COMEZAMOS O CURSO 2018-19!

Ola a todos!

      Comezamos este curso con moitas gañas de seguir facendo Radio. Xa levamos uns cantos anos dende aquel 2009 onde comezamos con tanta ilusión coma temos hoxe.

      Este ano os programas serán quincenais, e xa temos as quendas preparadas para que todos participedes nas tres seccións propostas, que como sabedes son:

        - Sección 1: "Novas do cole", na cal informamos de todas esas novas que nos afectan no día a día no centro e na nosa contorna, coma eventos deportivos, arranxos no cole, saídas culturais, excursións, aniversarios...

      - Sección 2: "Sabías que...?", na cal nos centramos en curiosidades de calquera ámbito do saber e efemérides de todo tipo. Neste curso imos engadir nesta sección o apartado "Avós en antena" e "O rincón da Arte" para todos aqueles alumnos e alumnas que queiran aportar contidos relacionados.

       - Sección 3:"As nosas cousiñas". Nesta sección mostramos cancións, minicontos, ladaíñas, refráns, trabalinguas, recomendacións lectoras, anuncios... ou sexa, todas aquelas cousiñas que creamos ou que disfrutamos lendo ou cantando.

      Ao final, xa sabedes, contamos un chiste para rematar cun sorriso "radiofónico"...

                                ATENCIÓN!    ESCOITADE!   Comezamos...