Pois... aquí temos o vídeoclip da panxoliña coa que o alumnado de 3º do CEIP Petelos, xunto con alumnado de 1º e 2º do CPI Laureano Prieto de A Gudiña nos presentamos ao concurso da RTVG "A canción do Nadal 2023". Houbo 33 propostas musicais, e finalmente a nosa non foi a escollida, pero estamos moi orgullosas do noso alumnado, do ben que o fixeron. Moito talento hai en A Gudiña e en Petelos!! A letra e a música foi composta por Ana Senlle, mestra do cole de A Gudiña, e para a gravación musical, contamos coa colaboración inestimable dos músicos Fernando Pernas e Pancho Álvarez. E na gravación, mestura e masterización do son, Nuria Freiría. Moitas grazas!
No seguinte enlace podedes ver o videoclip de Un Nadal de aloumiños
No seguinte enlace podedes escoitar a canción para conmemorar o 25 de novembro que preparamos e gravamos na escola, co alumnado de 5º e 6º. A letra é un poema de Lupe Ces, mestra de Caranza moi comprometida co movemento feminista dende hai moitos anos, e a música foi feita para a ocasión pr Raquel, a mestra de Música da nosa escola. Queremos agradecer, tamén a aportación da guitarra de Luis Lechuga, mestre de Música no IES Alonso Ríos de Tomiño. Esperamos que vos guste e que axude a abrir moitas xanelas.
Polo Samaín, a aula de Música estivemos preparando co alumnado de 5º e 6º a canción "Os esqueletos", e decidimos interpretala para o alumnado de Infantil. Este foi o resultado. Esperamos que vos guste!
No seguinte enlace poderedes ver o vídeo que fixemos coa música de Medomedá, de Magín Blanco, coas ilustracións realizadas co alumnado de 1º e 2º nas que mostran os seus medos. Ademais, na clase de Plástica, o alumnado de 3º realizou unhas situetas relacionadas co Samaín que tamén incluímos neste vídeo. Esperamos que o desfrutedes.
Regueifando!!No seguinte enlace podedes ver e escoitar as regueifas de rapazas e rapaces de toda Galicia, e na que participou o alumnado de 6º do CEIP Petelos.
Para conmemorar o Día de Rosalía, que se celebra o 23 de febreiro, co alumnado de 3º e 4º, na aula de Música, traballamos a canción "Has de cantar", incluída no disco de Rosalía pequeniña, con música de Uxía, e letra da propia Rosalía. No seguinte enlace, poderedes ver o vídeo que fixemos a partir das ilustracións feitas polo alumnado de 3º e 4º de primaria. Esperamos que o disfrutedes.
Xa temos aquí a cantiga do magosto deste ano, titulada "Chega o magosto", con música da nosa mestra de Música Raquel, e letra composta polo alumnado de primaria do CEIP Petelos. Esperamos que vos guste. Nós pasámolo pipa gravándoa!
Pois xa temos aquí o cancioneiro "Coñece-Mos", do CEIP Petelos, esperemos que disfrutedes con el, e que vos faga pasar uns minutiños agradables nestes tempos tan difíciles.
No seguinte vídeo podemos ver o ben que o pasamos gravando a nosa cantiga do Magosto deste ano, con música de Raquel, a nosa mestra de Música, e letra do alumnado do CEIP Petelos. Que ben se canta aquí en Petelos!
Os pasados 8 e 9 de xuño, convertimos a nosa biblioteca nun estudo de gravación, para gravar o Himno da nosa escola, con letra composta polo alumnado de 6º, que remataron este ano a súa andaina por este colexio, e con música da nosa mestra de Música. Foi unha experiencia moi novidosa e fantástica para tod@s, xa que veu Anxo Xesteira, un técnico de son e montou os seus aparellos por toda a biblioteca: micrófonos, cascos, cables, unha pantalla xigante... pareciamos profesionais! Ademais, tamén nos acompañou Fefi Senlle, que coa súa cámara de vídeo foi recollendo todos os momentos da gravación en vídeo, e con fotos, moitas fotos. Todo este material, xunto con outras tomas que gravaremos o vindeiro curso, utilizarémolo para crear o noso "vídeo oficial" da escola, acompañando á música do noso himno. Nos seguintes enlaces podedes escoitar o "Himno da nosa escola", e tamén ver un vídeo que nos mostra como foi a gravación e que ben o pasamos!
