Este ano, convidáronnos a ir cantar os Maios ao Monte do Castro, na Festa da Cruz, e alá fomos unha representación da comunidade educativa de Petelos. Moi ben o pasamos!
O 27 de febreiro comezamos un novo reto no centro, 21 días co galego. Durante estes días realizaremos diferentes actividades para fomentar o uso do galego entre todo o alumnado, profesorado e familias.
Aquí podemos ver e escoitar ao alumnado máis pequeno do cole, o de 4º de Infantil, interpretando a panxoliña "Din don dan". Menudos artistas!
No seguinte enlace, podedes ver ao alumnado de 5º de Infantila interpretando a panxoliña "A campá que resoa", incluída no disco de panxoliñas "O Quiquiriquí". Moi ben o fixeron!
E o alumnado de 6º de Infantil, rendiulle homenaxe á figura do Apalpador, interpretando maxistralmente a "Cantiga do Apalpador", que seica este ano paseouse polo noso cole...
Ao alumnado de 1º xa lle tardaba que chegase a noite de Reis, por iso a panxoliña que interpretaron foi "Xa me tardan estes Magos", do grupo Mamá Cabra. Moi ben cantan estas nenas e nenos!
No seguinte enlace podemos ver a enerxía coa que canta o alumnado de 2º, que interpretaron a panxoliña "Metido nun ovo", pertencente ao disco de panxoliñas "O Quiquiriquí". Moi ben o fixeron!
No seguinte enlace podemos ver ao alumnado de 3º interpretando dúas panxoliñas: a primeira é "Un Nadal de aloumiños", panxoliña coa que se presentaron ao concurso da TVG A canción do Nadal, xunto ao alumnado de A Gudiña, aínda que nesta ocasión interpretárona eles sós. E ao rematar, ata se animaron a canta unha panxoliña en Ingés, que prepararon coa teacher Doa. Son todos uns artistas eunhas artistas!!
Despois de varios anos do alumnado pedindo o aguinaldo polas clases e polo IES de Mos, pareceunos xusto despedir ao noso alumnado cantando unha panxoliña, neste caso, foi Nadal en Petelos, unha adaptación da panxoliña Nadal en Luintra. Esperamos que vos guste.
Xa temos aquí o vídeo do Himno da nosa escola, gravado e realizado polo alumnado de 6º, que este curso se despediu do cole. En xuño do ano pasado, gravamos o audio, e en xuño deste ano, o vídeo, así que... a nosa escola xa ten himno e identidade propia!
No seguinte enlace podedes ver a biografía en verso ilustrada de Francisco Fernández del Riego, o escritor homenaxeado no Día das Letras Galegas deste ano 2023. Na cración da letra participou alumnado de 4º, 5º e 6º, e profesorado. Na gravación do audio, participaron familias, profesorado, e alumnado de 4º, 5º e 6º. Estes últimos realizaron tamén as ilustracións que acompañan ao audio. Esperamos que o disfrutedes.
Regueifando!!No seguinte enlace podedes ver e escoitar as regueifas de rapazas e rapaces de toda Galicia, e na que participou o alumnado de 6º do CEIP Petelos.
