O mércores 30 de abril celebramos o día do libro. No patio de infantil organizamos o noso primeiro mercado de libros, e a continuación levamos a cabo a actividade de apadriña un lector, onde alumnos/as do 2º e 3º ciclo de primaria lles leron un conto aos nenos/as de infantil e de 1º ciclo.

Pincha na imaxe para ver as fotos.

O martes 1 de abril, os alumnos/as de 5º e 6º foron ao Auditorio Municipal de Ourense a ver unha obra musical titulada "Odaiko vaia circo..." Como se dun circo se tratase, o grupo de percusión Odaiko monta o seu propio circo, no que os elementos percusivos son os materiais que empregan para as súas acrobacias.

O luns 24 de abril os alumnos/as de 1º e 2º de EP foron ao Auditorio Municipal de Ourense a ver unha obra cómica sobre os segredos da cociña galega. 

Hoxe os alumnos/as de Educación Infantil e 1º de Primaria recibimos unha visita moi especial. Viñéronnos visitar os Bombeiros acompañados dun amigo: Bob Esponxa! Con eles aprendemos moito sobre o lume e o que temos que facer cando hai un incendio.

Pincha na imaxe para ver as fotos.

O martes 12 de novembro celebramos o magosto. Pola mañá fixemos unha degustación de produtos típicos do outono, no comedor servíronnos unhas riquísimas castañas asadas como postre e pola tarde pasámola no patio participando en distintos xogos populares.

Pincha na imaxe para ver as fotos.

O mércores 6 de novembro, os nenos e nenas de 4  e 5 anos fixeron unha saída ao auditorio municipal de Ourense a ver a obra de teatro titulada "Nuncabunga", gañadora do premio María Casares ao mellor espéctaculo.

O martes 29 de outubro celebramos Samaín/Halloween con diversas actividades: taller de cociña nas clases de inglés, exposición de casas encantadas, exposición de libros de medo na biblioteca e visualización dun vídeo sobre as orixes do Samaín e o vídeoconto "Corre, corre cabaciña".

Agradecemos a tódalas familias que participaron na elaboración das casas encantadas.

Foi todo un éxito.Se queredes ver as fotos do taller de cociña e a exposición de casas pinchade nas imaxes.

O xoves 30 de maio celebramos no Auditorio de Celanova o festival fin de curso. Foi un acto cheo de música, bailes, actuacións e algunha que outra sorpresa.

Pincha na imaxe para ver as fotos.