Blogue de mariamaremar

Estamos a comezar o curso e as propostas innovadoras en E.F. sempre son benvidas. Canta máis variedade e diversidade de experiencias de actividade física teña o noso alumnado, máis rica será a súa motricidade e maiores as opcións para escoller, nun futuro, as modalidades deportivas que mellor encaixen cos seus intereses. Por iso, nesta segunda quincena de novembro, non quixemos desaproveitar a oportunidade que nos ofreceu Marcos, un mestre moi novo e traballador que está a realizar as prácticas nun dos grupos de E.Infantil. Este mozo leva unha vida activa e, entre outros deportes, practica Parkour. Esta nova actividade física que aproveita os elementos naturais e artificiais da paisaxe, está tendo moito auxe e a nosa cativada puido vivenciala e gozar con ela. 

MOBILIDADE SOSTIBLE: RUTA CICLISTA

  Despois de realizar varios talleres no colexio sobre mecánica de bicicleta, normas de circulación por vías urbanas e habilidade sobre rodas, o alumnado de 5º e 6º participou dunha saída pola contorna de Coruña.

  Xa ben cedo pola mañá, acudiron con cadansúa bicicleta ao colexio. Aproveitamos para rodar un pouco en grupo polo patio mentres agardábamos a ansiada chegada da policía local e os membros de Protección Civil. Explicaron cal sería o percorrido e as indicacións para unha circulación segura pola cidade. Acompañámolos tres mestres e o incansable conserxe. Saímos dende o centro e atravesando cidade e carril bici chegamos ao parque dos Menhires, onde fixemos unha parada para merendar e recuperar enerxías para a volta.

  A saída foi todo un éxito grazas á colaboracióń da Policía, que nos acompañou tanto en bicicleta coma nas motos, que regulaban e dirixían o tráfico nas zonas menos seguras.

E para que vos fagades unha idea do intenso que foi, velaquí unha mostra...

TOWERS FOOTBALL

  Seguro que máis dunha vez escoitastes falar do fútbol americano pero, ollo! Non o confundades co rugbi. Nós, non nos conformamos con ver algún vídeo senón que grazas ao programa Coñece o meu club, dentro do PVAD, tamén o practicamos. 

  Varios integrantes deste equipo da localidade coruñesa de Cambre acudiron ao colexio para realizar sesións de aproximación a esta modalidade deportiva. Dende 1º a 6º e cada un en base ás súas posibilidades descubriron o fútbol americano, descoñecido para moitos deles. O enfoque foi principalmente lúdico e pasámolo especialmente ben. Iso sí, levoou un pouco de tempo aprender a manexar o balón, que ten un bote imprevisible e unha forma totalmente diferente aos que temos máis práctica en manipular.

Déivovos un enlace á súa páxina por se vos picou a curiosidade e queredes saber máis deles. E non hai excusas! Tamén teñen equipo feminino!!

https://towers.football/

XOGAMOS HOCKEI

  E para continuar co programa Coñece o meu club, nas sesións de EF da semana do 27 ao 31 de marzo, recibimos a visita do clube de patinaxe Galicia Rollers. Esta asociación é unha apaixoada do mundo da patinaxe e ensina distintas disciplinas sobre rodas, entre elas a que nos mostraron: o hockei liña. 

  A patinaxe é unha forma de ocio moi saudable e asequible para todas as idades e niveles, pero a modalidade de hockei require unhas condicións especiais para as cales os nosos nenos e nenas demostraron están perfectamente capacitados.

  Da man de dous entrenadores aprendemos que hai distintos tipos de patíns segundo o seu uso; cal é a equipación de xogadores e porteiros nun equipo de hockei;  como aprender a manipular o stick e conducir o móbil e, todo isto, nun ambiente constante de diversión e de superación personal.

  Todos, alumnos con e sen patíns, gozaron da experiencia e descubriron que a vida sobre rodas pode ser un enredo fantástico para o tempo de lecer.

  Graciñas a Galicia Rollers pola súa implicación e noraboa por facer que todo o mundo se sentise a gusto.

  Velaquí unha mostra do ben que o pasamos:

BREAK DANCE CON AD A RÚA

  Nesta xornada, un bailarín da asociación AD A Rúa, da Coruña, especialista en Break Dance, acudiu ao centro dentro do programa "Coñece ao meu clube" para impartir sesións desta modalidade deportiva a cativada de 3º a 6º de primaria. Comezamos cuns divertidos exercicios de quecemento, xa que é un baile moi esixente fisicamente:

  Despois aprendemos unha chea de pasos con nomes moi curiosos e algúns realmente difíciles de reproducir pero... Claro que os nenos e nenas do Cornide o lograron! Ata parecía sinxelo! Non volos perdades no vídeo adxunto.

  E para rematar a sesión, ademáis dunha demostración de baile, retos en círculo para ver que ousados emprendían unha batalla no centro da pista. Non faltaron voluntarios!! 

  Por sorte, esta escola queda moi pretiño do colexio así que se quedastes con gañas de máis, non dubidedes en apuntarvos!!

   Pero se prefires botarlle unha ollada antes.. En Instagram podedes ver as marabillas que fan nesta escola.

 https://www.instagram.com/cd_darua/