COCIÑA SAUDABLE
Este ano a nosa colleita de tomates cherri foi espectacular e durante os recreos serviu de parva a moitos dos nenos e nenas. Pero queriamos ir un chisco máis alá. Estamos participando de forma paralela nos programas PVDA e no contrato programa Edusaúde. A través dos mesmos, trataremos de fomentar hábitos máis saudables, polo que a alimentación se converte nun pilar excepcional.
Propuxemos un reto á nosa cativada: Idear receitas con base de tomate e con temática animal ou fantástica que despois puidesen ser levadas a cabo.
Os resultados foron, canto menos, moi orixinais e o proceso moi didáctico e divertido. Estamos desexosos de poñer en marcha o horto e ver como da froitos. Non vos perdades o próximo capítulo mentres gozades destes saborosos pratos.
Mmm.. Delicioso!!!
