CONVOCATORIA AXUDA LIBROS, MATERIAL ESCOLAR E FONDO SOLIDARIO - CURSO 2023/24

O día 19 de maio de 2023 publicouse no DOG a Orde da Consellería de Cultura, Educación e Universidade, de 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en Educación Primaria, secundaria e educación especial en centros docentes sostidos con fondos públicos para o curso escolar 2023/24.

A partir do día 22/05/23 poderanse presentar as solicitudes de axuda de libros e de material para o alumnado que vaia cursar o vindeiro ano 1º e 2º de Educación Primaria, as sltdes. para participar no Fondo solidario de libros de texto e axuda de material para o alumnado que vaia cursar 3º e 4º de E.P. e as sltdes. para axuda de material escolar o alumnado que vaia cursar 5º e 6º E.P.

As solicitudes presentaranse preferiblemente por vía electrónica no formulario normalizado dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta https://sede.xunta.gal. Opcionalmente, poderanse presentar as solicitudes presencialmente nos centros docentes, ou en calquera dos lugares e rexistros establecidos na normativa reguladora do procedemento admtvo. común.

O prazo de presentación de solicitudes abranguerá dende o 22/05/23 ata o 21/06/23 (a.i.)

Tedes aquí un pdf da Orde da Consellería de Educación onde vos poderedes informar máis polo miúdo das normas xerais, contías, obrigas e compatibilidades. Consultádea, xa que pode resolver calquera dúbida que vos xurda.

Tedes tamén a solicitude para descargar

Un saúdo

A dirección do centro