AXUDAS FONDO LIBROS, LIBROS E MATERIAL ESCOLAR 22-23

Dende hoxe e ata o 22 de xuño estará aberto o prazo para solicitar a participación no fondo solidario de libros de texto, axudas para adquirir libros de texto e material escolar destinadas ao alumnado matriculado en educación primaria axudas para material escolar e do alumnado de primaria. A solicitude deberá ser asinada e presentada xunto a unha fotocopia do libro de familia e, de ser o caso, a sentenza de separación ou convenio regulador, certificado de discapacidade ou documentación acreditativa de ser vítima de violencia de xénero. Anéxase tamén a convocatoria para a súa consulta.

As solicitudes poderán presentarse por vía electrónica ou ben presencialmente no centro.

1- Por vía electrónica: no formulario normalizado (anexo I) dispoñible na aplicación informática «fondolibros» (https://www.edu.xunta.es/fondolibros) a través da sede electrónica da Xunta de Galicia, https://sede.xunta.gal empregando calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365 (https://sede.xunta.gal/chave365)

2- Presencialmente: poderán descargar o impreso de solicitude no ficheiro adxunto ou ben recollelo na conserxería do centro. Unha vez cuberta a solicitude deberán entregala xunto coa documentación correspondente no centro.

Para máis información poden consultar o ficheiro adxunto no que aparece a Orde do 29 de abril do 2022 pola que se regula a participación no fondo solidario de libros de texto.