ADMISIÓN DE ALUMNADO PARA O CURSO 2022-2023

Estimadas familias:

Informámosvos que dende o vindeiro 1 de marzo e ata o 21 de marzo, estará aberto o prazo de admisión para novo alumnado de cara ao vindeiro curso 2022-2023. A solicitude de praza deberase formalizar cubrindo o AnexoII (ED550B) que se achega como adxunto e entregalo na Secretaría do centro, ou ben utilizando algunha destas vías telemáticas:

• Aplicación Admisióndealumnado: https://www.edu.xunta.es/admisionalumnado/
• A través da sede electrónica: https://sede.xunta.gal/portada (ED550B)

Tamén haberá impresos á vosa disposición na secretaría do centro.

DOCUMENTACIÓN:

Copia do DNI  da persoa solicitante e dos membros computables da unidade familiar, cando denegue a súa consulta
•    Documento acreditativo do requisito de idade do/da alumno/a ( Libro Familia, DNI, …)
•    Certificado oficial do expediente académico, no seu caso ( Agás alumnado de 4º de E. Infantil)
•    En caso de separación ou divorcio, copia da sentenza ou convenio regulador.
No caso de separación ou divorcio a solicitude terá que estar asinada por ambas/os proxenitoras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.