Onte 30 de xaneiro, celebramos como todos os anos o Día da Paz. Pero neste curso, quixemos que os nosos desexos pola Paz se escoitaran un pouco máis e intentamos que permanezan no tempo escribíndoo nun lazo, que todo o alumnado pendurou na reixa da entrada ao cole. Ademais, achegámolo a toda a comunidade educativa convidándoa a que exprese o seu desexo pola Paz nos lazos que alí vos deixamos.
Tamén alzamos o noso berro a prol da Paz nunha morea de idiomas; decoramos e levantamos as nosas mans a favor da non violencia e, escenificamos cun mural da grafitera afgá Shamsia Hassani a impotencia ante o aumento de guerras no noso mundo. Botade unha ollada ás fotos que vos deixamos na galería, premendo nesta foto.
