Aberto o prazo de solicitude das axudas para libros de texto e material escolar do CONCELLO DE LUGO
As familias interesadas deberán presentar a solicitude até o 16 de setembro (prazo ampliado) no rexistro xeral do concello, doutra administración pública ou por vía telemática.
Abre o prazo para solicitar as axudas para libros de texto e material escolar para familias con escasos recursos no segundo ciclo de educación infantil para o curso 2020-2021.
Poderán optar a axudas individuais de 100€ a persoas que estean empadroadas en Lugo, para investir nas librerías do concello en libros de texto e material escolar para os alumnos e alumnas matriculadas en centros sostidos con fondos públicos.
REQUISITOS:
As axudas adxudicaranse aos solicitantes cuxa renda familiar non supere 0.66 veces o IPREM, sendo o único criterio a contía da renda de menor a maior. No caso de non cubrirse todas as solicitudes, continuaranse adxudicando ás beneficiarias cuxa renda familiar anual non supere 0.80 veces o IPREM.
COMO E ONDE PRESENTAR A SOLICITUDE:
Para realizar as solicitudes as persoas interesadas deberán presentar a solicitude e a documentación requirida no rexistro do Concello, preferentemente por vía telemática, presencialmente no concello, solicitando cita previa no 010 ou noutras administracións até o 16 de setembro.