Skip to Content

Fondo Libros | lista DEFINITIVA

 

FONDO SOLIDARIO DE LIBROS DE TEXTO (3º, 4º, 5º e 6º EP)

 

Seguindo a Orde do 16 de maio de 2017 (DOG núm.96 do 22.05.2017) publícanse as listaxes DEFINITIVAS de solicitudes admitidas no Fondo Solidario de Libros de Texto

Recordade que podedes seguir pasando polo centro a recoller os vales de material (50€) para o alumnado de Ed.Primaria e máis os cheques das "Axudas Libros" do alumnado de 1º e 2º.

 

O reparto faino automaticamente a aplicación da Consellería como resultado do cruce de datos coa Axencia Tritubutaria. Con todo, aínda que non cambiarades a renda/ingresos dun ano para outro é problable que o reparto sexa diferente, dependendo das existencias de libros que haxa no centro e do alumnado solicitante. Por exemplo: o ano pasado tiñamos 50 alumn@s en 3ºEP e 29 en 4º EP pero este ano haberá 24 en 3ºEP e 47 en 4º EP, por tanto vai haber máis existencias para o reparto este ano en 3º EP que en 4ºEP.

De acordo coa ORDE do 16 de maio de 2017 a distribución que fai a aplicación da Consellería é a seguinte:

  • Renda per cápita ata 5400€, 6 libros
  • Renda per cápita ata 9.000€, 4 libros
  • Renda per cápita maior de 9.000€, 0 libros

Con todo, unha vez cuberto este dereito, a aplicación permitenos repartir as existencias de libros "sobrantes", no caso de que as haxa no centro. De aí as diferenzas de reparto que podades atopar entre un ano e outro. Para saber se está ou non ben feito, cotexade coas vosas rendas e os datos de RPC (renda per cápita) que marca a ORDE de convocatoria do Fondo Libros. 

 

FONDO LIBROS 2017/2018 | Lista PROVISIONAL

 

AVISO: Por motivos alleos ao centro, a lista definitiva sairá a mediados da próxima semana. Sentimos as molestias.

 

FONDO SOLIDARIO DE LIBROS DE TEXTO (3º, 4º, 5º e 6º EP)

Seguindo a Orde do 16 de maio de 2017 (DOG núm.96 do 22.05.2017) publícanse as listaxes provisionais de solicitudes admitidas e excluídas no Fondo Solidario de libros de texto. A mediados da próxima semana (entre o 18 e o 20 de xullo) publicaremos a listaxe definitiva. Nesta listaxe xa aparecerán os libros concretos asignados a cada alumno/a.

O prazo de reclamacións será de dous días a partir da publicación desta listaxe (é dicir: ata o venres día 14 de xullo ás 14h00)

 

VALE PARA LIBROS DE TEXTO (1º e 2º EP)

O alumnado de 1º e 2º de Ed. Primaria usa libro de texto funxible, polo que se ten que renovar cada ano. Por iso, na vez de recoller en setembro os libros adxudicados polo Fondo Solidario de Libros de Texto (como fai o alumnado de 3º, 4º, 5º e 6º), recolle un cheque nominativo (no que a cantidade se asigna en función da renda) co que debe de ir á librería a comprar os libros.

 

VALE PARA MATERIAL ESCOLAR (todos os cursos de Ed. Primaria)

Todas as persoas que solicitastes a participación no Fondo Solidario de Libros de Texto, solicitastes tamén unha axuda para material escolar (por valor de 50€). Xa podedes pasar tamén polo colexio para recoller este cheque.

 

RECOMENDACIÓN SOBRE A COMPRA DE LIBROS DE TEXTO

Como xa vos comentamos, a nosa recomendación é que agardedes a comprar os libros de texto en setembro. A adscrición do profesorado definitivo no centro (a asignación de cada mestre á súa aula/grupo), non se pode facer ata o primeiro claustro do ano académico e ata a agosto non se resolve o CADP (Concurso de Adxudicación de Destinos Provisionais), no que a Barouta lle asignarán 4 prazas provisionais. Tendo en conta isto, o máis acertado parece agardar a saber se a mestra/e asiganada a cada curso quere ou non todos os libros que figuran na relación de libros de texto do noso centro.

 

 

 

LIBROS DE TEXTO | Curso 2017/2018

En anexos podedes ver a relación de libros de texto para o próximo curso 2017/2018.

Como a adscrición do profesorado (a asignación e escolla de grupo/aula) non se pode facer ata setembro, recomendamos que agardedes a saber se a mestra/e vai querer ou nos os libros de texto que figura na relación anexa.

NON COMPREDES OS LIBROS DE TEXTO ATA SABER DAS INDICACIÓNS DO TITOR/A EN SETEMBRO.

Nesta semana darémosvos noticias da publicación das listas do Fondo Solidario de Libros de Texto e das Axudas para Material (publicaremos na páxina web, no Facebook e enviaremos por TokApp)

CALENDARIO ESCOLAR | 2017/2018

Saíu publicado no DOG o Calendario Escolar para o próximo curso 2017/2018. Tedes toda a información na páxina da Consellería, no seguinte link: http://www.edu.xunta.gal/portal/calendarioescolar, ou nos anexos desta publicación.

FESTA FIN DE CURSO

EDLG | Resumo Letras Galegas 2017

Aquí vos deixamos o resumo do Equipo de Dinamización da Lingua Galega (EDLG), como mostra do traballo relacionado coas Letras Galegas 2017

 

 

 

FOLGA TRANSPORTE ESCOLAR

Coa información de última hora que temos, a Folga de Transporte segue en pé polo que tampouco haberá servizo de autobús escolar para regresar hoxe á casa.
Seguiremos atentos/as ás novidades que haxa ao longo desta tarde pero, previsiblemente, mañá tampouco haberá servizo de transporte escolar, nin para vir á escola nin para regresar á casa.
http://www.europapress.es/galicia/noticia-seguimiento-masivo-huelga-autobuses-galicia-primeras-horas-jornada-20170620105135.html

 

MATRÍCULA NOVO ALUMNADO | Do 20 ao 30 de xuño

ADMISIÓN ALUMNADO

Curso 2017/2018 | FORMALIZACIÓN MATRÍCULA

Só para o alumnado que se matricula no centro por primeira vez

 

DOCUMENTACIÓN A PRESENTAR

  • Anexo III-1 do Formulario ED550B (pódese recoller no centro)
  • Ficha de Datos (pódese recoller no centro)
  • Enquisa do Idioma (pódese recoller no centro)
  • Fotocopias

DNI
Libro de Familia
Libro de Vacinación (se foi vacinado/a)
Tarxeta Sanitaria
3 Fotografías tamaño carné
 
 

PRAZOS E HORARIOS DE ENTREGA (SECRETARÍA)

Desde o martes 20 de xuño ao venres día 30 de xuño

De 09h00-09h55 e de 13h15 a 14h00

  

NORMATIVA

Orde do 12 de marzo de 2013 (DOG 15/03/2013). Modificada pola Orde do 25 de xaneiro de 2017 (DOG 1/02/2017)

Exposición PROXECTO "AUGA DOCE" | Luns, 5 de xuño de 2017

Como remate do Plan de Formación do Profesorado deste ano, sobre o “Traballo por Proxectos desde a Biblioteca Escolar”, acabamos de montar no colexio unha exposición sobre a auga. Trátase dun resumo do traballo desenvolvido polo alumnado e profesorado, no que tamén contamos coa vosa colaboración e achegas. 

Por tal motivo, coincidindo coa conmemoración do día do Medio Ambiente, querémosvos convidar á inauguración con visita guiada desta exposición o próximo luns día 5 de xuño ás 13h00. 

Agardamos contar con vós! 

 

AXUDAS LIBROS DE TEXTO E MATERIAL ESCOLAR (ata o 23 de xuño)

FONDO SOLIDARIO DE LIBROS DE TEXTO

Desde o 23 de maio ao 23 de xuño

Educación Primaria | Curso 2017/2018

Onte, día 22 de maio de 2017, foi publicado no DOG a ORDE do 16 de maio de 2017 pola que se convocan axudas para adquirir libros de texto e material escolar destinadas ao alumnado que no curso 2017/2018 estea matriculado en Educación Primaria 

O prazo de presentación destas solicitudes é desde hoxe, día 23 de maio ata o 23 de xuño, entregando o modelo ED330B (que podedes recoller no propio centro educativo, no anexo a esta publicación ou no seguinte link: https://sede.xunta.gal/doc-invia/rest/anexos/14234) e quedando cunha copia con rexistro de entrada.

HORARIO DE ENTREGA DE SOLICITUDES

De luns a venres de 09h00-09h55 e de 13h15-14h00

 

APUNTAMENTOS

  • Presentación ata o 23 de xuño
  • O alumnado de 3º, 4º, 5º e 6º de EP solicita para o “Fondo Libros” (e recibirá en setembro os libros na escola)
  • O alumnado de 1º e 2º de EP solicita para “Axudas Libros” (e recibirá un vale de entre 90€-170€ en función da renda, para comprar os libros onde desexen)
  • A maiores establécese un vale de 50 euros para a compra de material escolar, destinado a familias cunha renda per cápita familiar igual ou inferior a 5.400 €

 

 

Distribuir contido


by Dr. Radut