O 1 de febreiro empeza o procedemento ordinario de matrícula para os alumnos/as que cursarán 1º da ESO no vindeiro curso, por este motivo fanse no centro varias actividades.
A primeira parte do procedemento é a reserva de praza no centro adscrito, no noso caso o IES As Lagoas, que se pode facer desde o 1 de febreiro ó 15 de febreiro, ámbolos dous incluídos. A reserva de praza no centro adscrito é voluntaria e supón prioridade neste centro, pero se escolledes un centro distinto o IES As Lagoas para continuar os estudos, non debedes facer esta reserva.
Luns 28 de xaneiro de 2019
Visita o IES As Lagoas por parte do alumnado de 6º de educación primaria para coñecer de primeira man as instalacións o funcionamento do centro e algúns consellos para empezar ben a etapa de secundaria.
Martes 12 de febreiro de 2019 ás 17 horas.
Charla informativa sobre o procedemento de escolarización para o cambio de Etapa de primaria a secundaria.
A charla será impartida por persoal do IES as Lagoas no propio instituto.
- Características e ensinanzas do IES As Lagoas
- Aclaración de dúbidas.
- Aspectos xerais do procedemento de escolarización en 1º da ESO.
Carta do director do IES As Lagoas.
Invitación á reunión no IES As Lagoas