RESUMO DAS CHARLAS DE NUTRICIÓN DESTE TRIMESTRE
Durante este trimestre. as nenas e nenos de primaria puideron aprender moitas cousas sobre a alimentación e os alimentos que moitos descoñecíamos. Aqui vos deixamos os resumos das charlas que se impartiron a cada un dos ciclos, botádelle un ollo porque hai cousas moi interesantes.
Día contra a violencia de Xénero
Como cada 25 de novembro, celebrase o día contra o rexeitamento da violencia de xénero, contra o maltrato, contra as malas formas e contra todo o que non é bo para unha relación saudable.
Este ano o noso alumnado tivo un contacontos cun taller de sensibilización para acabar de erradicar os estereotipos, para decir basta xa e para dar o seu apoio a todas aquelas mulleres que sufren este tipo de violencia.
Os nosos nenos e nenas berran "XA" ante calquera manifestación violenta.
Tres Pés
O xoves o alumnado de 4º,5º e 6º puido comprobar de primeira man que é unha curtametraxe. A produtora Tres pés foi a encargada de explicarlles aos nosos alumnos e alumnas o que se estaba a levar a cabo no noso concello.
O noso alumnado, amante dos animais, e de gran tradición cabalar desfrutaron da xornada.
Visita a ASPNAIS
O pasado luns, dentro dos Contrato-programa INCLÚE-T o noso alumnado de 5º e 6º de Educación Primaria visitou as novas instalacións de ASPNAIS para ver de primeira man que estaba acontecer e como acontecía o que alí se estaba levando a cabo.
Viñeron moi sorprendidos do marabilloso traballo que alí se leva a cabo.
Deixámosvos un resumo no seguinte enlace.
Hugo, como orientador do noso centro, elaborou a seguinte presentación para o alumnado. Podédela ver no seguinte enlace:
https://www.canva.com/design/DAFR6xT24Yc/wnMWuME5ucjJh2eqLU1QxQ/view?utm...
Magosto 2022
Durante a xornada do pasado venres tivemos o magosto no centro. O noso alumnado degustou o froito típico desta época e tivemos o pracer de desfrutar duns xogos populares organizados polo mestre Ramiro, profe de Educación Física.
Pasámolo xenial. Podedes ver un resumo da nosa xornada no seguinte link.
https://www.canva.com/design/DAFR6oYERxc/OuE0yBm5ipc945Z_VmM4FA/watch?ut...
Samaín 2022
Onte foi un gran día, de diversión, "medos" e moitas risas.
Tivemos a elección das mellores cabazas por parte do alumnado, entregáronse os certificados de participación no concurso de redacción de historias de medo, xogamos todos e todas coa nosa nova pizarra interactiva da Fraga do Trasno, houbo fotos no Photocall, tivemos scape e rematamos o día cos nosos mestres e mestras para ter as nosas recompensas do xogo cooperativo.
Podedes ver un resumo no seguinte enlace:
https://www.canva.com/design/DAFQWH6jukw/P74RKAJ_5w1qJHDyjXStnA/watch?ut...
Día das bibliotecas
O pasado luns celebramos o día das bibliotecas. Este ano o alumnado recomendou ao resto as súas lecturas preferidas.
Este día tamén deu comezo a adadura da mochila viaxeira onde o alumnado coas súas familias poderá desfruta de libros de lectura, música galega e unha película.
Se queredes ver as recomendacións dos nosos nenos e nenas accede ao enlace que hai aquí abaixo.
https://www.canva.com/design/DAFQWeXF4-0/__M_x-KxabZ-_rSgZcwglg/watch?ut...
Sotavento visita o noso cole
Durante a xornada do pasado mércores os Aquilinitos e Aquilinitas máis pequenos puideron desfrutar dunha xornada diferente da man do persoal de Sotavento.
Aprenderon un montón de cousiñas novas e interesaronse por diferentes aspectos deste tipo de enerxía.
Podedes ver un pequeno resumo no seguinte enlace:
https://www.canva.com/design/DAFPsA37shA/ZQdXMpAAL8ax7Lc-mc2TDg/watch?ut...
Nova axuda de material escolar
A Xunta de Galicia ven de aprobar unha nova axuda para a adquisición de material escolar para aquelas familias que xa foron beneficiaras da mesma en xuño.
Deste xeito, podedes pasar a buscar estes cheques a partir do Xoves ás 13 horas co fin de non interromper o normal funcionamento das clases.
Recordade que este só se poderá gastar en material escolar ata o vindeiro 2 de decembro.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »