Dende o pasado 15 de xaneiro ata o vindeiro 5 de febreiro estará aberto o proceso de reserva para a admisión do alumnado que remata etapa.

Para ver un resumo pinchade na imaxe que aparece a continuación. 

O pasado luns 4 de decembro, visitáronnos dúas profesionais da Asociación ONCE. Nestas xornadas de sensibilización enmarcadas no Contrato-Programa INCLÚE-T, o noso alumnado puido achegarse á atención das persoas con cegueira. Deixamos un vídeo onde se pode visualizar o transcurso da xornada premendo na imaxe. 

O pasado luns celebramos o Día Internacional dos dereitos da Infancia.

Durante este curso consideramos adicarllo ao Dereito de todo neno e nena a ter un fogar.

A nosa biblioteca converteuse nunha habitación infantil e todos e todas, preparados en pixama, esperábamos ansioso a visita das nosas familias para comezar un maratón de contacontos.

Premede na imaxe para ver como saiu todo.

Durante estas semanas traballamos cancións de xogos populares da nenez dos nosos pais, avós, tíos.... e... atopámonos con cousas que non nos gustaron nada.

Aquí vos deixamos o por que da nosa negativa ante estas cancións e a nosa opción para melloralas.

Premede na seguinte imaxe e veredes o resultado.

O vindeiro día 20 de novembro celebraremos o Día Internacional da Infancia. Para este evento tan importante contaremos coa visita de 9 familias que virán a un maratón de contacontos.

Deste xeito unímonos O día do Pixama, iniciativa da Asociación Acougo, para o dereito a un fogar de todos os nenos e nenas.

Podedes ver o cartel dos contacontos premendo sobre a seguinte foto.

Carmen e Mª José do CIM de Mondoñedo, visitaron a nosa escola para compartir cos nenos e nenas de infantil un obradoiro sobre a Igualdade. No enlace da imaxe temos un pequeno vídeo con imaxes do obradoiro.

Chegou o magosto e con el o tempo de castañas e aproveitando que calquera época do ano é boa para xogar, no cole, organizamos uns xogos para que todos o pasáramos ben despois de encher o bandullo con este froito típico do outuno.

Por aquí abaixo vos queda o enlace para poder ver que ben se nos dá pasalo ben.

Durante o día de mañá, a Fraga do Trasno xunto coa materia de Educación Física e o seu mestre Ramiro, organizarase o Samaímagosto no cole.

A programación será a seguinte:

Xa podedes ver o resumo pinchando na seguinte foto:

Fai uns días tivemos a sorte de poder contar no noso colexio con varias xogadoras e membros do apartado técnico do equipo feminino de fútbol sala "Castro".

Con elas pasamos unha mañá moi entretida, durante a cal nos contaron a súa experiencia como futbolistas nun equipo de primeira división e nos invitaron a adestrar con elas. asi como a achegarnos as súas instalacións para probar este deporte e animarnos a continuar disfrutando con el.

Aqui tedes un pequeno video resumo do ben que o pasamos.