Skip to Content

Saídas

Excursión Fin de curso 2013

En vista do éxito do ano pasado, este ano repetimos o formato da excursión cos alumnos de sexto, cruceiro polo Mediterráneo. Impresionante viaxe que seguro que non olvidaredes nunca, chea de emoción e diversión misturada con visitas culturais a algunhas das cidades máis fermosas do mundo. Moitas grazas aos pais e profesores por facer posible esta viaxe, e aos alumnos polo duro traballo de todo o ano que finalmente tivo a súa recompensa!

Excursión: A Coruña

 

Os alumnos do 3º ciclo visitaron o pasado día 31 de xaneiro a cidade de A Coruña para ver o Acuario, a Domus e a Casa das Ciencias.

Na primeira parada, o Acuario, asistimos a un taller sobre os océanos onde nos explicaron a importancia da auga no noso planeta, de ahí corrimos a ver o Nautillus onde puidemos experimentar o que se sente cando estás baixo a auga e convives de preto cunha quenlla.

Saímos e fomos ao Domus, alí asistimos a unha proxección dun documental en 3D, sobre os 5 grandes animais de África: o rinoceronte, o búfalo, o leopardo, o elefante e máis o león.

Logo experimentamos coas diferentes actividades que propón a Domus. Gustounos especialmente a que mide a velocidade de golpeo do balón. Comimos alí e de seguido fomos á Casa das Ciencias onde gozamos da visión do cosmos que nos ofreceu o Planetario.

Xa de camiño a casa falabamos de cando sería a próxima saída.

Distribuir contido


by Dr. Radut