Gratuidade solidaria - Plurilingüismo

 Solicitude (Anexo I)

---

O día 22 de decembro tivo lugar o tradicional Festival de Nadal no noso Cole. Houbo moitas e variadas actuacións: teatro, panxoliñas, contos, cancións...
Foron os presentadores David e Sabela que souberon levar a cabo o seu difícil traballo dunha maneira estupenda. 
Todas as actuacións estiveron fenomenais. No teatro, por exemplo, poidemos comprobar a calidade das actrices e dos actores -grandes e pequenos- moi ben dirixidos por Vanesa, a monitora de teatro. No pouco tempo dispoñible realizaron unha montaxe chea de calidade. 
Tamén se levou a cabo a entrega de premios do Concurso de Postais convocado pola ANPA do colexio. Ademais, os alumnos e alumnas de Infantil e 1º Ciclo recibiron unha agradable sorpresa: a visita anticipada dun dos Reis Magos. 

  VER IMAXE AMPLIADA

Nestes días de preámbulo do Nadal, o CEIP “A. Insua Bermúdez” editou un novo número da revista escolar A PRAVIA, que está dedicado preferentemente ao Capón de Vilalba: proceso evolutivo, receitas, comicapón datos actualizados desta e da última Feira… Pero tamén inclúe outros traballos interesantes. Á parte dos contos, poesías, debuxos, noticias do Cole, pasatempos, etc. –traballos todos eles realizados nas distintas aulas do colexio- nesta ocasión publícanse: 

EQUIPO DE REDACCIÓN DA REVISTA “A PRAVIA”CEIP “A. INSUA BERMÚDEZ” - VILALBA

15/12/2009: URXENTE: A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, 16 de decembro. Esta medida tómase en base á predición, feita pola Axencia Estatal de Meteoroloxía (AEMET), dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia en cotas baixas a partir das 00.00 horas oficial do mércores 16 de decembro.

O pasado venres, 6 de novembro, celebramos no noso Colexio a tradicional FESTA DO MAGOSTO.
Coma en anos anteriores, días antes da celebración, leváronse a cabo nas distintas clases varias actividades relacionadas coa festa do Magosto e co outono: unidades didácticas, contos, ditos, refráns, debuxos... e os cucuruchos para despois meter as castañas.
Non podía faltar tampouco a elaboración dun gran mural que incluía o lema A FESTA FEREMOS GRANDES E PEQUENOS. ARREDOR DO LUME ESTOUROS E FUME.
O propio día, unha vez que estiveron asadas as castañas, aportadas previamente por moitos dos alumnos e alumnas, demos boa conta delas na hora do recreo.
Trala degustación -que ricas estaban!- viñeron os xogos, : peonza, zancos, pano, pasimisi, carreira de sacos, o baile da  castaña...

APRENDEMOS A COOPERAR 

Este martes, 13 de outubro, foi para nós, alumnos e alumnas de 3º, 4º e 5º de Primaria, un día especial. Non por ser día supersticioso, non. Foi algo ben distinto: puidemos presenciar no Salón de Actos do Colexio unha audición-representación a cargo do Grupo de “Cooperación, música, acción” do Conservatorio Histórico de Santiago, cun motivo central que era o da COOPERACIÓN.

Ao remate do mesmo, todos xuntos cantamos o RAP DA COOPERACIÓN, escrito por Esther Sobral. A primeira estrofa dicía así:

Pola mañán e ben cediño
ao colexio eu irei
Arranxarei o meu cuarto
a meus pais eu bicarei.
Axudarei un pouquiño
outras veces me axudarán
porque na casa hai moito traballo
e entre todos ben que se fai,
porque na casa hai moito traballo
e entre todos ben que se fai. 

Coa participación da maioría do alumnado
do Colexio, levouse a cabo o Festival Fin
de Curso, que serve para poñer o peche
definitivo ao ano académico 2008/2009 .
Houbo moitas actuacións, variadas  e
divertidas:  Obras de teatro, cancións,
contos, poesías. Ao remate do festival
leváronse a cabo diversas  competicións
deportivas, para finalizar coa entrega de
notas.

FELIZ VERÁN!!!. VÉMONOS EN SETEMBRO.

(Podedes ver máis fotos en GALERIAS)

PÓDENSE VER FOTOS DAS EXCURSIÓN EN GALERÍA

O pasado venres, 29 de maio, ás 19 horas, no Salón de Actos do Centro Cultural e Recreativo de Vilalba, organizado polo CEIP “Antonio Insua Bermúdez” coa colaboración da Asociación de Minusválidos “Benjamín Paz” e o propio Centro Cultural Recreativo, tivo lugar o acto de entrega de premios do XIII Certame Literario Benjamín Paz, que ten como fin primordial e fundamental o de lembrar a figura de Benjamín Paz Cordal. O acto está contempaldo tamén dentro das actividades que o noso Colexio programa co gallo das Letras Galegas tendentes a fomentar a creatividade artística e literaria, por un lado, e a potenciar o idioma galego cara a consecución da súa plena normalización, por outro. Asistiu ao mesmo un importante número de persoas que souberon recoñecer os méritos dos gañadores aplaudindolles á hora de recoller os seus respectivos premios nas distintas modalidades: DEBUXO, CONTO E POESÍA. Completouse o acto cun pequeno recital poético a cargo de alumnos e alumnas gañadores.

PUBLICADO UN NOVO NÚMERO DA REVISTA ESCOLAR “A PRAVIA”

Así mesmo, nestes días o CEIP “A. Insua Bermúdez” edita un novo número da revista escolar A PRAVIA, coincidindo co mes das Letras Galegas. Nesta ocasión, inclúese un traballo sobre o escritor homenaxeado este ano, Ramón Piñeiro; unha entrevista a Ángel Campos, cociñeiro do Parador de Vilalba; unha ampla reseña do XIII Certame Benjamín Paz; os traballos das aulas; as noticias do Cole; os nosos murais; a páxina de ANPA; novos artigos sobre educación musical e orientación; o apartado de recensións de libros lidos por membros do equipo de redacción e que leva por título “Que lindo é ler!”; artigos de investigación sobre a crise económica, protección civil, o deporte na escola, medio ambiente, etc. Por último resaltar de maneira especial a pequena pero cariñosa lembranza que se lle fai na revista a David, o alumno do colexio que faleceu recentemente en Belesar. Na portada e en páxinas interiores recóllense poesías e debuxos na súa memoria. A revista repártese a tódolos membros da comunidade educativa, aos centros educativos da bisbarra, ás institucións e aos organismos públicos, asociacións culturais, medios de comunicacións, etc.

VER CARTEL ENGREGA PREMIOS                                     VER PORTADA REVISTA A PRAVIA

Este venres, 22 de maio, celebramos no noso Colexio o Festival das Letras Galegas e o Mercadiño do Libro. Estas actividades forman parte das organizadas durante o mes de maio para conmemorar a efeméride do Día das Letras Galegas, e que culminarán coa entrega de premios do XIII Certame Benjamín Paz, o día 29 de maio no Centro Cultural e Recreativo de Vilalba. Antes, xa se tiñan levado a cabo confección de carteis, murais e unidades didácticas sobre a figura de Ramón Piñeiro. Durante o Festival, cada aula interviu co recitado de poemas, contos ou cancións.
No Mercadiño do Libro, cada alumno que quixo traer un libro en galego puido cambiar por outro que non lera.