OS PINTORES GALEGOS PROXECTO CURSO 2017-2018

Enviado por susoabuin o Ven, 2018-07-06 12:17

Actividades animación á lectura

Este curso 2017-2018 dende a Biblioteca do cole propúxose facer un proxecto con un tema en común, Proxecto Documental Integrado, que traballaríamos todos os nenos e nenas do cole dende nas diferentes aulas e abordándoo dun xeito global. O tema elexido foi "OS PINTORES GALEGOS", aproveitando que Antonio Insua Bermúdez foi pintor e que noso centro cumpría 40 ANOS pareceunos unha boa oportunidade para dalo a coñecer a toda a comunidade educativa.

O proxecto comezou coa elección por aulas dun autor ou autora, os artistas seleccionados foron: Ed. Infantil 3 anos Caruncho, Ed. Infantil 4 anos Leandro Lamas, Ed. Infantil 5 anos A Xulia Minguillón, Ed. Infantil 5 anos B Manuel Carballeira, 1ºA Carlos Maside, 1ºB Teresa Irisarri, 2ºA Jorge Peteiro, 2ºB Manuel Colmeiro, 3ºA Luis Seoane, 3ºB Laxeiro, 4ºA Xosé Vizoso, 4ºB Sabela Arias, 5ºA Maruja Mallo, 5ºB Xaime Quesada, 6ºA Isaac Díaz Pardo e 6ºB Castelao.

No primeiro trimestre afrontamos a biografía dos diferentes autores, partimos do que xa sabíamos, que era pouco ou nada, e pouco a pouco fomos averiguando aspectos da súa vida. Para podes facer isto tivemos que consultar fondos bibliográficos tanto dixitais como en papel. Localizamos a obra, identificámola, buscamos o significado... Aprendimos vocabulario, conceptos novos, xeografía, estilos artísticos...

No segundo trimestre visitamos museos nos que había algunha obra dos diferentes pintores como Carlos Maside, Museo Provincial de Lugo, Museo da Coruña...

No terceiro trimestre concertamos visitas dos pintores ao colexio, organizamos unha pequena exposición da obra de Antonio Insua Bermúdez e fixemos intercambios entre aulas para que todo o alumnado coñecese aos artistas traballados.

Aquí podedes ver o noso museo e algún dos traballos que realizamos