Actividades
A nosa biblioteca
A biblioteca do centro sempre está aberta para a comunidade educativa, busca ser un lugar de consulta, aprendizaxe e diversión.
Para resultar cada vez máis atractiva para o alumnado renóvanse títulos e tamén o mobiliario.
Así de chula quedou esta semana coas mesas e cadeiras novas.
Iago López cóntanos "O cociñeiro Martiño"
Hoxe tivemos a gran sorte de gozar dun contacontos moi especial.
O escritor Iago López contounos un dos seus libros "O cociñeiro Martiño". O chef Martiño quere converterse no cociñeiro do rei e para iso precisa conseguir todos os ingredientes para elaborar o mellor biscoito do mundo.
Foi xenial, os nenos e as nenas de Educación Infantil e de 1º e 2º puideron participar e escoitar unha historia do máis orixinal.
Noraboa compañeiro!
CONTACONTOS Iago López by Slidely Photo Gallery
LAPBOOKS SOBRE PAÍSES
Para conmemorar o día do libro, cada curso elaborou un Lapbook sobre un país. Podedes ver neste vídeo o grandísimo traballo feito por alumnos e mestres.
CONTO PAPÓN
Con motivo da celebración do Samaín, dende a biblioteca, preparouse un conto de medo que foi contado a todos os alumnos do colexio. Ao rematar, tamén se cantou a canción "O Papón".
UN AGASALLO DIFERENTE
Os alumnos de 5º de Primaria léronlle aos seus compañeiros do centro o conto "Un agasallo diferente". En diferentes grupos e días, foron polas clases contándolles esta fermosa historia.
As imaxes das diferentes lecturas podédelas ver AQUÍ
XAIME E AS LANDRAS
Os alumnos de 6º de Educación Primaria léronlle o conto "XAIME E AS LANDRAS" ao resto dos seus compañeiros do centro.
Este é o vídeo do conto.
Ademais, podedes ver AQUÍ as fotos da ACTIVIDADE.