A Sociedade Galega para a Promoción da Estatística e da Investigación de Operacións (SGAPEIO) en colaboración con educaBarrié, a iniciativa educativa da Fundación Barrié, convoca o III concurso Incubadora de Sondaxes e Experimentos para proxectos de estatística e investigación de operacións realizadas para estudantes de ESO, Bacharelato e Ciclos Formativos de Grao Medio da Comunidade Autónoma de Galicia.

A participación pode ser individual ou en grupos (máximo de 4 estudantes). Cada participante ou grupo deberá contar cun docente-titor do seu centro, que supervise o traballo presentado.

Categorías:

• 1º e 2º da ESO
• 3º e 4º da ESO
• Bacharelato e Ciclos Formativos de Grao Medio (categoría educaBarrié)

Premios:

Concederase un premio a cada unha das categorías. A cada traballo premiado corresponderalle un diploma para o centro e material informático para o titor e os estudantes participantes.

Calendario:

• Inscrición dos traballos: do 10/12/2012 ao 15/01/2013
• Data límite de entrega dos traballos: do 01/04/2013 ao 15/04/2013
• Fallo do xurado: do 23/05/2013 ao 31/05/2013