O IES San Clemente de Santiago de Compostela, a través da Biblioteca e do Equipo de Dinamización da Lingua Galega, convocan o X Certame de Microvídeos co obxecto de promocionar o uso do galego. Organízase en dúas seccións: sección xeral de microvídeos (de temática libre) e sección especial #escollemosgalego (dirixida a microvídeos pensados para as redes sociais), e tres categorías de participación:

A. Estudantes de secundaria de calquera lugar do mundo.

B. Persoas de calquera idade de calquera lugar do mundo.

C. Estudantes do IES San Clemente, en calquera das súas modalidades.

O prazo de admisión das propostas finalizará o 17 de maio, Día das Letras Galegas.

Outorgaranse dous premios por cada categoría e sección:

• 1º premio: vale de 100 €
• 2º premio: vale de 75 €

As bases do concurso e a información ampliada poderanse consultar nesta ligazón [2]