Xúntase a Resolución do 16 de abril de 2024, da Dirección Xeral de Formación Profesional, pola que se convocan probas e se ditan instrucións para o acceso e admisión do alumnado nas ensinanzas artísticas superiores da Comunidade Autónoma de Galicia para o curso 2024/25.

• O prazo de presentación de solicitudes estará aberto desde o día seguinte ao da publicación desta resolución no Diario Oficial de Galicia ata o 21 de maio de 2024, inclusive.
• Para as ensinanzas artísticas superiores de Arte Dramática, de Conservación e Restauración de Bens Culturais, e de Deseño, as persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o 25 de xuño de 2024, inclusive.

As listaxes de cualificacións e de adxudicacións provisionais e definitivas poderán ser consultadas nos prazos estipulados para cada caso nesta resolución a través destes dous medios:

      - Nos taboleiros de anuncios do interior dos recintos escolares sen visibilidade desde o exterior dos centros educativos de ensinanzas artísticas superiores correspondentes.

      - Na aplicación informática EAS (https://www.edu.xunta.gal/eas/ [2]) .