Curso de 20 horas de duración con 16 horas presenciais e 4 horas na rede. Ten 5 sesións, a primeira delas terá lugar no Centro Autonómico de Formación (CAFI) en Santiago de Compostela e as seguintes no IES de Cacheiras (Cacheiras, Teo).

O curso será impartido polo profesor Sergio Clavero de Aturuxo Films con ampla experiencia no mundo audiovisual.

Os obxectivos do curso son:

1.Deseñar pequenos artefactos de aprendizaxe dirixidos ás aulas.

2.Manexar ferramentas na Rede, software e aplicacións en dispositivos móbiles de xeito autónomo.

3.Descubrimento de novos modelos de ensino-aprendizaxe

E os contidos:

1.Conceptos básicos nun minivídeo.

2.Deseño e planificación: curación de contidos, abstracción da información, creación de mensaxes e elaboración de guións.

3.Emprego de ferramentas TIC diversas.

4.Gravación e edición.

5.Aplicación dos minivídeos nas aulas

Máis información no documento adxunto e inscrición en Fprofe [2] ata o 25 de xaneiro, prazas limitadas.