Ao igual que en anos anteriores, volverase a desenvolver a actividade “ Simulación de redes locais con máquinas virtuais”, curso de 30 horas en rede programado para o profesorado das familias de Informática e comunicación e Electricidade e Electrónica.

A actividade estenderase durante 7 semanas dende o día 2 de febreiro ata o 15 de marzo. Durante ese tempo deberanse completar as tarefas que os titores propoñan. Como axuda estarán dispoñibles a través do email e dos foros para contestar dúbidas e resolver problemas, e ademais haberá documentación de axuda colgada na mesma aula virtual. Para recibir a certificación correspondente, debe facerse correctamente o mínimo das tarefas que os titores establezan.
Como é un curso en rede, cada participante pode conectarse á aula virtual no tempo e horario que considere oportuno: o importante é entregar as tarefas correctas no  tempo que establecido.

Enlace Fprofe:

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61018 [2]