Que se aprende a facer?
Planificación e control das intervencións Programar, organizar, dinamizar e avaliar proxectos de intervención social encamiñados ao desenvolvemento social, aplicando técnicas de dinámica de grupos e utilizando recursos comunitarios, culturais e de lecer e tempo libre.
Onde se realiza o traballo?
Intervención comunitaria e actividades de lecer e tempo libre.
En que postos de traballo?
Coordinador de programas de intervención específicos (por idade ou sectores de intervención). Animador de equipamentos especializados (ludotecas, centros culturais e cívicos, albergues e campamentos, etc.). Animador comunitario. Animador/monitor cultural. Animador/monitor de tempo libre. Animador hospitalario.
Cales son os módulos deste ciclo?
| Módulos | Horas |
| Animación cultural | 160 |
| Animación de lecer e tempo libre | 160 |
| Animación e dinámica de grupos | 110 |
| Desenvolvemento comunitario | 160 |
| Formación e orientación laboral | 55 |
| Formación en centros de traballo | 740 |
| Horas á disposición do centro | 70 |
| Metodoloxía da intervención social | 80 |
| Organización e xestión dunha pequena empresa de actividades de tempo libre e socioeducativas | 110 |
| Proxecto integrado | 55 |
Que título se obtén?
Técnico superior en animación sociocultural.
A que outros estudos se pode acceder?
Acceso directo aos estudos universitarios de grao e a outro ciclo formativo de grao superior.
