Nome: CEP Plurilingüe Pedro Caselles Beltrán (código 36009524).
Enderezo: Barrio Mosteiro, s/n. 36740 – Tomiño.
Tfnos: 886110737 – 886110738 – 886110736.
e-mail: ceppedrocaselles@edu.xunta.gal
web: www.edu.xunta.gal/centros/ceppedrocaselles
Etapas educativas: Educacion Primaria. Aula Específica ANEAE.
Nº alumnos matriculados: 176
Nº profesores: 23
Outros profesionais: 2 coidadores, 3 cociñeiros, 2 limpiadoras.
Estamos no ámbito de influencia dun concello de carácter rural, con dous pequenos núcleso urbanos en Tomiño e Goián, sendo o primeiro deles o que máis próximo temos.
A zona experimenta un proceso gradual de mellora das oportunidades, principalmente a partir da apertura do Instituto de Ensino Secundario, aínda que non se acada o nivel de oportunidades coas que contan outras localidades da contorna, como pode ser Tui, Porriño, A Guarda…
O Plan Dixital encaixa na dinámica de modernización que establecemos no centro, a través de proxectos como EDIXGAL, ROBÓTICA NA ESCOLA, RADIO NA BIBLIO… Somos un centro tradicionalmente con participación nos plans de dixitalización, e o noso propósito neste plan vai na liña de continuar no proceso de mellorar os recursos e o seu uso axeitado.
Nesa liña, incorporaremos na Programación Xeral anual os obxectivos definidos neste plan, coa implicación da Dirección do centro para que teñan éxito.
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O Plan Dixital foi elaborado polo equipo TIC, formado polas seguintes persoas:
Alfonso Lorenzo Vila (Coordinador)
Rosa Mª Fernández Carrera
Susana Fernández Gavín
Antonio Durán Coello.
No proceso, seguiuse a pauta marcada pola estructura de formación, dentro dun PFPP do centro, e coa asesoría continuada da coordinadora Patricia Barreiro Rodríguez.
Nas distintas fases o coordinador organizaou as tarefas, contactou coa asesora, e convocou ao resto do equipo en reunións nas que elaboramos as propostas e os distintos apartados.
Finalmente concluímos con este Plan, que despois de ser supervisado pola asesoría, levaremos a Claustro e Consello para a súa aprobación.
Autoavaliación SELFIE:
Test de Competencia Dixital Docente.
Do proceso de autoavaliación SELFIE, así como do test CDD obtense o seguinte resultado.
Coa situación de partida presentada na recollida de datos, pretendemos por un lado consolidar as prácticas regulares con reacursos dos que xaa contamos: aula de informática, radio escolar, recursos TIC da biblioteca e a nova aula de polos creativos.
Para iso habilitaremos horarios regulares con traballo dentro da aula de informática, radio escolar e os polos creativos.
Tamén proporanse tarefas de creación de producións dixitais como podcasts, curtametraxes, videos divulgativos, etc. por grupo durante o curso, que impliquen o uso e aprendizaxe nos recursos dixitais.
Fixaremos como un dos obxectivos a formación para o aproveitamento e uso dos distintos recursos aportados polo programa de POLOS CREATIVOS.
Para iso tamén solicitaremos outras convocatorias que poidan considerarse axeitadas, no marco sinalado.
O equipo TIC realizará o seguimento deste plan, a través dos 4 obxectivos propostos. Reunirase cunha frecuencia mensual, e nesa reunión analizarase o grao de cumprimento dos obxectivos, a través da propia táboa de seguimento dos mesmos. Nestas avaliacións mensuais valorarase dificultades para o logro, ou , de ser o caso, oportunidades de mellora. En coordinación co equipo directivo elaborarase un informe de avaliación trimestral relacionado co plan, e referido aos catro obxectivos propostos. Haberá unha avaliación final na que se valorará o grao de cumprimento dos obxectivos e o nivel de modificacións que se desenvolveron durante o curso, de maneira que sirva de base para a elaboración do seguinte plan. Deste modo, determinaremos para os obxectivos non logrados unha renovación dos mesmos, e para os logrados, definiranse obxectivos para mellorar cualitativamente.
En canto ao obxectivo 1, úsanse con regularidade os dispositivos dixtais: hai a disposición do profesorado tanto na aula de informática como na aula móbil, equipos fixos e portátiles, que utiliza o profesorado con regularidade.
No obxectivo 2, de promoción do uso da radio, publicamos podcasts temáticos regularmente, así como unha emisión en streaming no festival de Nadal.
No obxectivo 4, de visita regular á aula de informática, conseguiuse con creces, superando o número de horas previstas. Tentarase mellorar nas visitas do primeiro ciclo.
O equipo TIC realizará o seguimento deste plan, a través dos 5 obxectivos propostos. Reunirase cunha frecuencia mensual, e nesa reunión analizarase o grao de cumprimento dos obxectivos, a través da propia táboa de seguimento dos mesmos.
Nestas avaliacións mensuais valorarase dificultades para o logro, ou , de ser o caso, oportunidades de mellora.
En coordinación co equipo directivo elaborarase un informe de avaliación trimestral relacionado co plan, e referido aos cinco obxectivos propostos.
Haberá unha avaliación final na que se valorará o grao de cumprimento dos obxectivos e o nivel de modificacións que se desenvolveron durante o curso, de maneira que sirva de base para a elaboración do seguinte plan.
Deste modo, determinaremos para os obxectivos non logrados unha renovación dos mesmos, e para os logrados, definiranse obxectivos para mellorar cualitativamente.
O Plan Dixital estará visible para toda a comunidade educativa a través da plataforma Educalidade/ Plans de centros e introducindo o código do centro : 36009524, ou pìcando neste enlace directo:Plan Dixital Caselles Beltrán
