Dende o punto de vista económico e laboral das familias dos nosos alumnos e alumnas, a situación é diversa; unhas teñen un desenvolvemento económico e nivel cultural baixo, nalgúns só traballa un dos proxenitores con baixa cualificación profesional e outras familias mostran un nivel económico maior, coincidindo polo xeral cunha maior cualificación profesional especializada. Gran parte da poboación activa desprázase á cidade de Pontevedra e a outros lugares a traballar na construción, sector servizos e outros. Na actualidade xa resulta residual a especial dedicación a agricultura e gandería con explotacións minifundistas e de tipo familiar, aínda que aportan unha axuda importante na economía familiar. Este Plan Dixital queda enmarcado dentro da Programación Xeral Anual posto que nel se establecerán de maneira anual uns obxectivos e accións para alcanzalos. Ademais este documento, como queda redactado no seguinte punto, será o eixe vertebrador para a dixitalización non so do proceso de ensino-aprendizaxe senón de toda a comunidade educativa.
Os centros educativos forman parte dun mundo en cambio permanente e dunha sociedade e mercado laboral cada vez máis dixitalizado e por esa razón, os centros educativos deben dar respostas a esas necesidades e demandas da sociedade e mercado Pax 4 de 19 laboral para poder formar cidadáns do futuro coas competencias necesarias para desenvolverse nunha contorna dixitalizada. Este Plan Dixital de Centro enténdese como un instrumento que debe favorecer e impulsar o uso dos medios dixitais tanto nos procesos de ensino-aprendizaxe como no resto de procesos de xestión do centro, sempre co obxectivo último de colaborar no desenvolvemento integral do alumnado. É imprescindible dotar ao Plan Dixital dun enfoque de centro sobre o uso dos recursos pedagóxicos dixitais dispoñibles para aproveitar ao máximo as súas posibilidades, de modo que se converta nun proxecto compartido por todos os membros da comunidade educativa, que dea coherencia e guíe o uso das tecnoloxías.
Mediante o Plan Dixital de Centro, pretendemos: • Avaliar a situación dun centro educativo con relación ao uso das TIC nos distintos elementos clave que recolle o Marco Europeo para Organizacións Educativas Dixitalmente Competentes, para poder, a continuación, deseñar e emprender un proceso de transformación no centro. • Recoñecer o Plan Dixital de Centro como un recurso crave para a planificación da estratexia dixital dunha organización educativa. • Transformar o centro educativo nunha organización que aprende, sendo unha organización dixitalmente competente. Lexislativamente o Plan Dixital enmárcase nos seguintes artigos e disposicións: Art. 111 bis, Art. 121 e Art. 132 da LO 2/2006, de 3 de maio, de Educación “5. As Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe. As Administracións educativas deberán establecer as condicións que fagan posible a eliminación no ámbito escolar das situacións de risco derivadas da inadecuada utilización das TIC, con especial atención ás situacións de violencia na rede. Fomentarase a confianza e seguridade no uso das tecnoloxías prestando especial atención á desaparición de estereotipos de xénero que dificultan a adquisición de competencias dixitais en condicións de igualdade”. “O proxecto educativo do centro recollerá así mesmo a estratexia dixital do centro, de acordo co establecido no artigo 111 bis.5” Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.“ Planificación. Co fin de que todo o alumnado teña acceso ao proceso de ensino e aprendizaxe en calquera dos posibles escenarios e asegurarse a súa participación e implicación no desenvolvemento das accións educativas, teranse en conta os seguintes aspectos na planificación educativa: …a proposta de tarefas globalizadas que requiran da posta en práctica de varias competencias do alumnado, a aprendizaxe cooperativa, o uso das TIC como recurso didáctico, actividades que favorezan a autoaprendizaxe, o pensamento crítico e creativo e a investigación mediante proxectos de traballo, entre outras.” Ademais da Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Para a elaboración deste Plan Dixital tivemos que crear un equipo de dinamización do Plan Dixital, no o que coordinador foi o propio coordinador do equipo TIC do centro, Pablo Álvarez Rivas. Os membros do equipo dinamizador do Plan Dixital foron os seguintes: • Pablo Álvarez Rivas • Camilo Álvarez Vila • Alba Fiuza Fernández • María del Carmen Gil Pousa • Amaranta Julia Pazó Calderón Para esta labor tamén creamos un grupo de traballo enmarcado dentro do PFPP do centro. Os pasos para a elaboración do Plan Dixital foron os seguintes: 1. Creación do equipo de dinamización do Plan Dixital. 2. Creación do grupo de traballo do Plan Dixital. 3. Rexistro na plataforma SELFIE, creación e selección das preguntas a realizar. 4. Realización do SELFIE por parte do claustro, equipo directivo e alumnado de 5º e 6º. 5. Realización do test CDD. 6. Análise dos resultados do SELFIE e o test CDD. 7. Creación do informe DAFO. 8. Creación do Plan de Acción. 9. Redacción do Plan Dixital.