1.1. Datos básicos do centro
Centro: CEIP Antonio Insua Bermúdez.
Código de Centro : 27013338.
Dirección: Rúa Cuart de Poblet S/N. Código Postal 27800. Vilalba. Lugo
Correo Electrónico : ceip.antonio.insua@edu.xunta.gal
Teléfonos: 982-82 81 48 / 982-82 81 50 / 982-82 81 52. UACO: 982828151
Web do centro: http://www.edu.xunta.gal/centros/ceipantonioinsua/
Etapas Educativas:
- 3 Unidades de Educación Infantil.
- 12 Unidades de Educación Primaria.
- 1 Unidade de Educación Especial.
Número de Alumnado: 334
Número de Mestres: 28
1.2. Contextualización do Plan Dixital no centro. Contribución ao Proxecto Educativo do Centro
O CEIP Antonio Insua Bermúdez está emprazado na vila de Vilalba. Esta vila forma parte da chaira lucense e está adicada fundamentalmente ao sector primario de produción agrícola e gandeira. Dende o punto de vista socio-xeográfico o único que se pode considerar como núcleo semiurbano é a capital municipal pero o que predomina é a configuración rural e diseminada.
Na análise da composición social ou procedencia económica das familias verificamos que unha porcentaxe moi alta pertence a unha clase social medio-baixa, adicándose os pais/nais a traballar no sector terciario, como autónomos ou nas industrias dos concellos limítrofes. Nos últimos anos, incrementouse significativamente o número de inmigrantes procedentes de Europa do leste, Marrocos e América do Sur.
Esta realidade social e cultural dá lugar a unha situación económica complexa.
A maioría do noso alumnado ten como lingua materna o galego aínda que existe unha porcentaxe importante de castelán falantes. A lingua vehicular no centro é o galego, aínda que comeza a chegar alumnado que fala diferentes idiomas, incluso temos un grupo considerable de alumnado que non domina nin o galego nin o castelán, que so falan árabe, rumano ou bereber.
A competencia dixital é unha realidade na nosa sociedade dende hai uns anos e no noso centro, o CEIP Antonio Insua Bermúdez, queremos contribuír a que esto tamén sexa unha realidade no centro.
O Proxecto Educativo do noso centro tenta que todas as accións cotiás estean dirixidas a fomentar, dende todas as áreas, unha serie de valores entre o alumnado como son a inclusión, a igualdade, a tolerancia, a prevención de calquera tipo de violencia e a non discriminación por razón de raza, relixión, sexo, nacionalidade ou ningunha outra. Ademais disto, unhas das principais finalidades que perseguimos é fomentar que o alumnado teña unha aprendizaxe para a vida futura, que é un aspecto básico na súa
formación, é por isto que as aprendizaxes relacionadas coas tecnoloxías posibilitarán un achegamento ao que se van atopar ao longo da súa vida laboral, social e familiar.
No noso centro levamos uns anos traballando con proxectos vencellados á competencia dixital como medio de desenvolvemento: PLAMBE, E-Dixgal, Digicraft, Contratos - Programa… e estes son unha mostra do interese que o noso centro ten pola formación tecnolóxica.
Este plan dixital pretende contribuír á Programación Xeral Anual do curso 2023/2024 mediante a continuación dos plans vixentes anteriormente citados, coa implementación de actividades de carácter dixital nas aulas e co incremento da competencia dixital en todos os membros da comunidade educativa.
1.3. Breve xustificación do mesmo
A contextualización legal a ter en conta para a elaboración deste Plan Dixital é a seguinte:
- Art. 111 bis, Art. 121 e Art. 132 da LOE 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
-
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
-
Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.
1.4. Proceso de elaboración
Para a elaboración do Plan Dixital organizamos no noso centro un PFPP, neste Plan de Formación existen dúas liñas de traballo, unha en Moodle e outra do Plan Dixital. Para elaborar este Plan Dixital concretamos un Grupo de Traballo de 20 horas co profesorado, co Equipo Directivo e co Equipo TICS, 8 mestras e mestres implicados máis directamente. A posteriori o resto do Claustro aportou reflexións e suxerencias a este proxecto.
O coordinador TICS foi secuenciando a carga de traballo, este foi un proceso moi guiado en todo momento polo equipo ADIX-1 Lugo, e simplemente fomos cumprindo os prazos dos traballos que nos foron marcando para as diferentes tarefas: test Selfie, test CDD, análise DAFO e por fin a elaboración do Plan Dixital.
