Plan do centro
Vixencia
Introdución
Contexto DAFO
Obxectivos
Seguimento
O plan, a súa posta en marcha e a valoración dos resultados acadados, será avaliado ao remate de cada trimestre do curso. Nesta avaliación procesual se propoñerán medidas de mellora no caso de se detectar erros no plan, na súa temporalización o nos resultados acadados. Para realizar este proceso reunirase o coordinador do Plan Dixital co asesor ADIX da Consellería, quen realizará seguimento e asesoramento para o correcto desenvolvemento do plan. Tamén o equipo de TICs valorará, en función dos datos recollidos previamente, o nivel de cumprimento dos indicadores de logro.
- Obx 1. O equipamento está actualizado. Queda únicamente un aula de terceiro e administración, que se completará cun envío de PCs da Xunta.
- Obx 2. O equipamento Edixgal do alumnado non será renovado masivamente de momento. Estanse a atender incidencias e nalgún caso cambian o dispositivo. No apartado de portátiles de profesorado e novos paneis tactiles LED anunciados, non hai noticia.
- Obx 3. No segundo trimestre abordaremos algunha formación específica a través do PFC. De momento analizamos o informe de incompatibilidades de EDixgal enviado pola ONCE
- Obx 4. Trabállase en terceiro e cuarto principalmente. Tarefas e recursos son as actividades máis utilizadas. Empeza a ser unha ferramenta máis para o profesorado e alumnado, que coñecen e utilizan.
- Obx 5. Despois de analizar diferentes tipos de robots, mercamos catro para poñerse a traballar con eles nas aulas e patios inclusivos, a partir de xaneiro.
- Obx 6. Non se avanzou nada neste obxectivo.
- Obx 7. Nas diferentes reunións de ciclo e claustros informouse da necesidade de seguir ampliando a utilización de Abalar Móbil. Na web do centro incluimos un titorial para familias e profes. O profesorado manifesta que o utiliza con máis frecuencia para comunicacións áxiles, deixando o enderezo electrónico para o envío de ficheiros.
- Obx 8. En quinto temos algunha experiencia de creación de contidos en Canva e Genialy. A partir de xaneiro continuaremos coa experiencia de éxito do pasado curso coa impresora 3D e co alumnado de 5º e 6º
- Obx 9. Participamos nun concurso de Ciberseguridade de Cibergal. Ademáis en quinto e sexto tiveron charlas de ciberacoso e ciberseguridade neste primeiro trimestre. Tamén introducimos un espazo na web con recursos para o profesorado. Queda pendente cartelería informativa e pequenos informes para as familias, tipo "píldoras"
- Obx 1. O equipamento está actualizado. A aula de terceiro e administración foron actualizadas con PCs e portátiles que chegaron no mes de marzo.
- Obx 2. O equipamento Edixgal do alumnado non será renovado masivamente de momento. Estanse a atender incidencias e nalgún caso cambian o dispositivo. No apartado de portátiles de profesorado e novos paneis tactiles LED anunciados, segue sen haber noticia.
- Obx 3. Dentro do PFC levouse a cabo formación específica, pero insuficiente, xa que é un campo moi extenso e especializado.
- Obx 4. Continúase a traballar en terceiro e cuarto principalmente, tanto por parte das titoras como por parte dos mestres que imparten unha sesión semanal de "informática". Tarefas e recursos son as actividades máis utilizadas. Empeza a ser unha ferramenta máis para o profesorado e alumnado, que coñecen e utilizan.
- Obx 5. Co inicio dos patios inclusivos, todos os recreos hai voluntarios de 5º e 6ºEP que dinamizan a actividade de robótica con catro robots e catro tablets con apps de robótica. Abarca os cursos de 2º a 6ºEP. A mestra de apoio de infantil tamén realiza actividades puntuais co alumnado.
- Obx 6. Non se avanzou nada neste obxectivo.
- Obx 7. O profesorado manifesta que o utiliza con máis frecuencia para comunicacións áxiles, deixando o enderezo electrónico para o envío de ficheiros. Podemos afirmar que o seu uso está moi extendido entre familias e profesorado.
- Obx 8. Continuamos coa creación de figuras para impresión 3D en Thinkercad, para as catro aulas de 5º e 6ºEP. Durante o recreo, o coordinador TIC, posibilita a impresión de figuras creadas, non obstante faría falta integrar a actividade nalgunha materia do curriculum, xa que resulta complicado desenvolver aprendizaxes sen carga lectiva. Iniciaremos no terceiro trimestre o traballo coa recortadora e o diseño de logos e figuras, e a posterior implementación en camisetas.
- Obx 9. Publicáronse, por parte da Consellería novos protocolos e guías en ciberseguridade e uso de móbiles. Tamén implementouse o filtro de navegación segura e responsable dentro da maqueta abalar que utilizamos no proxecto Edixgal.
Avaliación
Ao remate do curso se realizará unha avaliación final dos logros acadados na realización deste plan, valorarase o nivel de cumprimento dos obxectivos e se propoñerán os xeitos de mellorar a consecución dos mesmos.Os encargados da realización desta avaliación final será o equipo de TICs, que remitirá o seu informe para o estudo e aprobación por parte do claustro de mestres.
Comunicación e difusión
O Plan Dixital estará visible para toda a comunidade educativa na páxina web do centro, no apartado de Proxecto Educativo e onde pódense atopar os diferentes plans e proxectos do colexio. Resumidamente no seguinte enlace http://www.edu.xunta.gal/centros/ceipfernandezlatorre/system/files/PLAN%20DIXITAL%2022-23.pdf