Datos básicos do centro
Nome: IES Saturnino Montojo
Código: 15006791
Dirección : Avenida Mac Mahón s/n.
Concello: Ferrol 15403
Provincia : A Coruña
Tlf: 881930225 FAX: 881930230
Correo electrónico: ies.saturnino.montojo@edu.xunta.es
Páxina web: http://centros.edu.xunta.es/iessaturninomontojo/
Ensinanzas ofertadas: ESO, Bacharelato e Ciclo Medio de Imaxe, Son e Video Dj.
O número total de alumnos oscila segundo os cursos académicos entre 390-470 alumnos/as dos que un 48% son homes e un 52% mulleres, practicamente todos son de nacionalidade española, aínda que nos últimos anos empezan a incorporarse algúns alumnos de orixe sudamericano, sen que o número pase a ser significativo.
A súa idade está comprendida entre os 11/12 anos, os máis novos, ata máis ou menos 20 anos, os maior idade. No caso dos/as alumnos/as do Ciclo a idade é moi variada (desde os 16 anos en adiante).
En canto ao profesorado o cadro de persoal fixo é de 47 profesores/as, que pertencen aos seguintes corpos:
41 Profesores/as de Ensino Secundario (ESO e BAC).
4 Profesores/as Técnicos de FP.
1 Orientadora.
1 Profesor de Pedagoxía Terapéutica.
1.1. Contextualización do Plan Dixital no centro. Contribución ao Proxecto Educativo do Centro.
O nivel socioeconómico das familias do noso alumnado pódese considerar medio e xa non son maioritariamente militares, como era habitual polas particularidades do centro, senón que se dedican a actividades diversas: traballadores de Navantia, profesionais liberais, traballadores autónomos, funcionarios, etc. Desde o punto de vista sociolingüístico son maioritariamente castelán falantes.
A maior parte dos alumnos/as proceden de familias estruturadas, de corte tradicional: pai / nai e un, dous ou tres fillos; pero van aumentando o número de alumnas e alumnos con familias monoparentais (xeralmente por separación dos pais) e en poucos casos o/a alumno/a convive cun familiar ou titor legal distinto dos proxenitores. Sobre a ocupación dos seus proxenitores, un 32% das nais dedícanse ás tarefas domésticas e os pais repártense entre empregos relacionados cos estaleiros, talleres, mariña e oficinas; son menos abundantes os relacionados con profesións liberais: médicos, avogados, etc. Sobre os estudos realizados polos/as pais/ nais, predominan os que posúen estudos medios.
En xeral o alumnado deste centro non é conflictivo e as familias están implicadas na educación dos seus fillos .
O Plan Dixital convírtese nunha ferramenta clave para lograr os obxectivos plantexados no PE do centro.
Do mesmo xeito, e ao igual que se fai con outros plans ou proxectos no IES Saturnino Montojo, o Plan Dixital busca espertar un sentido crítico no noso alumnado para que poidan desenvolverse nun mundo con influencias tan poderosas, por exemplo concienciando da importancia de discernir contido en internet, aprender a contrastar fontes…
1.2. Breve xustificación do mesmo
O Plan Dixital de Centro recollerá as accións a desenvolver para mellorar a competencia dixital do profesorado e do alumnado co obxectivo de mellorar os procesos educativos e de xestión do centro.
Resumidos, os obxectivos establecidos na resolución do 3 de setembro de 2021 son:
-
Facilitar a integración e desenvolvemento das tecnoloxías dixitais nos procesos formativos así como a xestión dos recursos humanos e materiais do centro.
-
Promover o uso das ferramentas de avaliación e diagnose dos centros educativos respecto á competencia dixital.
-
Mellorar a competencia dixital dos membros da comunidade educativa.
-
Definir o equipo responsable de dinamización do PD e as súas funcións.
1.3. Proceso de elaboración
Os pasos clave no proceso de elaboración do PD dentro do Equipo de traballo foron:
-
Realizar a análise da situación do centro a través das ferramentas SELFIE e TCDD.
Utilizamos a ferramenta de autoavaliación SELFIE para analizar a situación dende a perspectiva dos equipos directivos, o profesorado e o alumnado, organizando a información nos bloques ou áreas que recolle o informe resultante da realización desta autoavaliación.
De xeito complementario, o profesorado realizou o test de Competencia Dixital Docente dende o seu perfil persoal en Fprofe. Este test permitiu obter un informe individual coa valoración do nivel competencia (A1-C2) así como un informe de grupo sobre a participación e unha estatística das puntuacións.
2. Diagnose da situación do centro, informe DAFO.
A partir do informe SELFIE, o equipo de traballo para a elaboración do PD redactou un informe sobre Debilidades, Ameazas, Fortalezas e Oportunidades (DAFO) co obxectivo de analizar a situación e definir as liñas fundamentais en termos de obxectivos e actuacións.
3. Plan de Acción
As debilidades analizadas levaron a determinar 5 obxectivos recollidos nun plan de actuación que concreta para cada un deles:
-
Os recursos humanos, económicos e de equipamento
-
Persoas responsables
-
Indicadores de logro, instrumentos de avaliación e prazos de consecución
4. Plan Dixital 2.0
En base á información recollida na memoria do PD do curso 22-23 redáctase o PD aprobado polo consello escolar, unha vez oído o claustro, no primeiro trimestre do curso 2023-24, segundo recolle o punto 5.2 da resolución do 3 de setembro de 2021.
5. Memoria do Plan Dixital 2.0.
Os obxectivos non acadados no PD 2.0.
