Atendendo ás necesidades e demandas da sociedade en materia de competencia dixital e entendendo que a principal misión da escola é formar ao alumnado para a vida presente e futura, así como á normativa vixente¹ ; consideramos fundamental desenvolver unha estratexia dixital reflexionada e consensuada que aparece recollida neste documento, Plan Dixital de Centro que nos sirva de folla de ruta a curto e medio prazo para converter o CEIP Rosalía de Castro nunha institución educativa dixitalmente competente e que isto redunde en beneficio do noso alumnado en particular e da sociedade en xeral.

Para levar a cabo a elaboración deste Plan Dixital de Centro, púxose en marcha ao inicio do curso un PFPP, así como a creación do Equipo de Dinamización do PDC integrado pola Directora e o coordinador que tivo que ser substituído o 15 de novembro de 2022 porque pasou a formar parte da Rede Galega de Educación Dixital como mentor ADIX. O grupo de traballo celebrou sesións formativas o 19/11/2021, 20/12/2021, 10/01/2022, 09/02/2022, 17/03/2022, 23/02/2022, 31/03/2022, 04/05/2022 e 25/05/2022. Nestas sesións fixéronse traballos colectivos en relación a SELFIE, T-CDD, Análise DAFO e Obxectivos do Plan de Acción.
Unha vez elaborado o PDC pasará polos órganos colexiados do centro para a súa validación.

_{1 Art. 111 bis, Art. 121 e Art. 132 da LO 2/2006, de 3 de maio, de Educación.
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o
desenvolvemento das ensinanzas de EI, EP, ESO e bacharelato no curso académico 2021-2022.
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o
desenvolvemento dos ciclos formativos de FP do sistema educativo no curso 2021- 2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do
Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.}

Unha vez realizadas as pesquisas pertinentes a través do SELFIE e o TEST CDD e analizados os resultados que presentan os informes de ámbalas dúas probas xunto coa reflexión colectiva do Equipo de Dinamización do Plan Dixital de Centro e o conxunto do Claustro, observánse unhas FORTALEZAS e DEBILIDADES, a nivel interno e unhas OPORTUNIDADES e AMEAZAS, a nivel externo que aparecen recollidas na presente ANÁLISE DAFO; sinaladas a maior parte delas cunha puntución en base á cal, de xeito CUANTITATIVO, establécense unhas prioridades que fixemo pasar tamén por un filtro CUALITATIVO dando como resultado unha serie de PRIORIDADES ás que nos propoñemos atender en diferentes TEMPORALIZACIÓNs. Aquelas que son de atención máis urxente serán as que nos servirán de base para a elaboración do PLAN DE ACCIÓN, convertindo os ítems en OBXECTIVOS que trataremos de acadar ao longo do vindeiro curso mediante a realización de diferentes ACCIÓNS. Todo isto recollerase na pestana seguinte (Obxectivos).

A Análise DAFO indícanos que debemos mellorar en :

• Dotar á persoa auxiliar de conversa de acceso á rede WIFI.
• Mellorar a competencia dixital do profesorado en relación ás Contornas Virtuais de Aprendizaxe.
• Ampliar o número de Recursos Abertos de Arpendizaxe (REAs) a disposición do profesorado e alumnado.
• Coñecer a valoración das familias en relación a EDIXGAL.
• Mellorar a retroalimentación das actividades realizadas polo alumnado.
• Que o alumnado aprenda a manexar Internet de xeito responsable e seguro.
• Mellorar a protección de datos.

O Equipo de Dinamización do PD realizará, alomenos, unha xuntanza por trimestre para valorar as evolucións deste plan.

A persoa mentora ADIX realizará, como mínimo, dúas visitas ao centro por trimestre para analizar xunto coa persoa coordinadora do PD, o desenvolvemento do proxecto.

A persoa coordinadora do "PD terá acceso" á ferramenta Educalidade para rexistrar os avances e avaliacións desde plan baixo a supervisión da persoa directora.

Ao longo do primeiro trimestre do presente curso acadouse o obxectivo O01PD que consiste en dotar á persoa auxiliar de conversa de acceso á rede WIFI do centro.

En relación ao O02PD "Mellorar a competencia dixital do profesorado", están realizadas as accións AO2.1 "Solicitar PFPP", AO2.2 "Realizar formación específica sobre contornas virtuais de aprendizase e AO2.3 Realizar formación entre iguais sobre contornas virtuais de aprendizaxe.

Iniciouse o O03PD que, na actualidade se atopa en proceso.

O O04PD aínda non está iniciado.

As accións AO05.1 e AO05.2 están realizadas, tendo moi avanzado o proceso para acadar o O05PD.

En relación ao O06PD, levouse a cabo unha acción formativa en colaboración coa Comandancia da Garda Civil de Lugo, a través do Plan Director.

O O07PD foi acadado moito antes de chgar á data prevista de fin das súas accións.

En xeral, o Equipo de Dinamización do Plan Dixital de Centro, así como a persoa directora e o Mentor ADIX consideran que o proceso vai por bo camiño.