1. Introdución

• Nome do centro: IES Terra de Xallas
• Dirección: Rúa Rosalía de Castro s/n CP. 15840 Santa Comba (A Coruña)
• Correo: ies.terra.xallas@edu.xunta.gal
• Páxina web: http://www.edu.xunta.gal/centros/iesterraxallas/
• Etapas educativas:  ESO, Bacharelato, Ciclo Medio Xestión administrativa, Ciclo Superior Administración e finanzas, Ciclo Básico cociña e restauración, Ciclo Básico mantemento de vehículos.
• Número de alumnado: 457
• Número de profesorado: 57

2. Contextualización do Plan Dixital no Centro. Contribución ao Proxecto Educativo do centro.

O IES Terra do Xallas é o único centro educativo de Educación Secundaria do concello de Santa Comba, situándose no núcleo municipal. Santa Comba é un dos maiores municipios da provincia da Coruña en extensión, cun área de 203,1 km2, pero cunha poboación que vai diminuíndo. O concello de Santa Comba é basicamente unha terra amesetada que se sitúa no noroeste da provincia da Coruña, no treito alto do río Xallas, case no centro dun triángulo formado pola Coruña, Santiago e Fisterra. Santa Comba considérase a capital da zona do Xallas, o eixe vertebrador das actividades económicas dunha ampla contorna que abrangue os concellos limítrofes de Mazaricos, Negreira, A Baña, Val do Dubra e Zas. O IES Terra do Xallas recibe alumnado procedente destes concellos, sobre todo para cursar FP Básica, Ciclos de FP ou Bacharelato.

O IES Terra de Xallas conta con unha plantilla de 57 profesores, en gran parte con destino definitivo.O Equipo directivo, a excepción da xefatura de estudos, ten continuidade.A Comisión de Coordinación Pedagóxica continúa a maior parte no presente curso, aínda que foi nomeado algún Xefe de Departamento didáctico novo.

En canto estrutura arquitectónica dispoñemos dun total de 3 edificios.

Un edificio principal que consta de planta baixa e dous andares. A planta baixa alberga os despachos de tódolos órganos administrativos, despachos de dirección , sala de titorías, sala de profesores, casa do conserxe e cafetería. Os outros andares corresponden a aulas.Outro edificio de planta baixa e un andar, dedicado case exclusivamente a aulas. Inclúe tamén 3  aulas de informática e a bibliotca.No terceiro edificio, tamén de planta baixa e dous andares, encóntrase o Departamento de Orientación, as aulas de Tecnoloxía, Música e Educación Plástica e Visual entre outras aulas. Na planta baixa existe un salón de actos e audiovisuais.No recinto escolar encóntranse tamén un Pavillón, o ximnasio, aula de lecer, taller de mecánica e restauración.

Actualmente o IES Terra de Xallas imparte a seguinte oferta formativa, escolarizando en total  457 alumnos/as

• E.S.O.: tres liñas de 1º, catro de 2º, tres de 3º, tres de de 4º , dous PMAR en 2º e  3º de ESO.
• Bacharelato: dúas liñas en primeiro e dúas liñas en segundo.
• Formación Profesional Específica:  
  • Familia de “Administración”: C.M. de Xestión Administrativa (2000 horas, distribuídas en dous anos escolares) e C.S. de “Administración e Finanzas “ (2000 horas, distribuídas en dous anos escolares)
    • Dúas liñas en cada un dos cursos de Formación Profesional Básica.
      • Servizo de restauración e bar.
      • Mantemento de vehículos.

Incardinación e contribución do PD ao Proxecto Educativo.

O PD incardínase dentro dos obxectivos do Proxecto Educativo contribuíndo á consecución do seguinte obxectivo:

e) Convivencia harmónica da tradición e a innovación: impulso  das TIC.

O coñecemento respectuoso do noso pasado histórico e cultural combinarase coa dinamización no centro de todas as iniciativas destinadas a potenciar o uso das TIC no profesorado e no alumnado. Aspírase así a facilitar unha formación sólida e actual no mesmo, que lle permita facer fronte aos retos da actualidade.

Contribución do PD á Programación Xeral Anual do curso 22/23.

Por último a PXA verase enriquecida por este documento incorporando á mesma a pretensión dun maior aproveitamento de todos os recursos tecnolóxicos da nosa comunidade. Pasará a ser parte do eixo vertebrador que fundamente o uso de infraestruturas tecnolóxicas, formacións do alumnado, profesorado e familias, cun aproveitamento máis reflexivo, estudado e estruturado de todos eles.

3. Breve xustificación do plan.

 A normativa que regula todo este procedemento queda recollida nos seguintes documentos:

• Art. 111 bis, Art. 121 e Art. 132  da LO 2/2006, de 3 de maio, de Educación
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

4. Proceso de Elaboración

No primeiro trimestre realizouse a avaliación inicial a través da ferramenta SELFIE para coñecer o estado do noso centro en canto a dixitalización. No comezo do segundo trimestre implementouse o Test CDD para coñecer a competencia dixital do profesorado do centro.Coa información destas dúas ferramentas procedeuse a realización do DAFO do noso centro facendo unha análise de debilidades, ameazas, fortalezas e oportunidades.No terceiro trimestre elaboránronse as táboas do plan de acción e por último procedeuse á redacción do Plan Dixital.

No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:

Avaliación procesual: será realizada unha vez ao final da cada un dos trimestres do curso 22-23. Realizarase un revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto. 

Avaliación final: será realizada unha vez ao ano ao remate do curso académico 22-23. Farase unha revisión da consecución dos obxectivos formulados e realizaranse posibles propostas de mellora. Utilizaranse os apartados correspondentes de cada unha das táboas do plan de acción para o seu cumprimento. 

O desenvolvemento do plan dixital precisa o enfoque dun proceso continuo e evolutivo. Representou un desafío para a comunidade educativa e terá continuidade, a través das distintas actividades tecnolóxicas que se realizan no noso centro, no vindeiro curso 23-24.

Varios factores condicionaron o desenvolvemento do Plan Dixital, a infraestrutura tecnolóxica dispoñible, a formación e capacitación dos docentes, a dispoñibilidade de recursos dixitais adecuados e as metodoloxías de ensino.  De aí que en propostas de mellora, continuemos optando por un profundo enfoque na formación do profesorado no que ás TIC se refire. 

A avaliación do desenvolvemento do plan dixital debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais, nais e outros actores chave. Ao ser este o primeiro Plan Dixital que desenvolvemos, os indicadores que permiten esta retroalimentación son moi sutís e haberá que agardar a vindeiros cursos. Será nese momento, cando se realice un novo exercizo SELFIE de autoavaliación da situación dixital da comunidade educativa, cando teñamos unha visión máis completa dos resultados do traballo realizado. 
 

En relación aos obxectivos:

• No obxectivo 3 Tempo para explorar o ensino dixital - Formación TIC do profesorado no propio centro (Área A Liderado A4*): independentemente de que só se realizaran 2 cursos de formación en vez dos 4 propostos como indicadores e logro. Considérase que o obxectivo foi un éxito grazas a calidade e utilidade das formacións realizadas.    
• Obxectivo 4: Suspéndense o obxectivo por falta de financiamento. Valorase a súa realización no vindeiro curso. 
• Obxextivo 6: barallar accións máis concretas e en menor cantidade. Faltou compromiso por parte do alumnado a pesar da publicidade realizada. Comentar tamén que este obxectivo no seu inicio tiña outro fundamento e se foi transformado ao longo curso. Quizais isto tamén afectou a resolución desfavorable do obxectivo.

No que se refire ás propostas de mellora do PD do noso centro destacar o seguinte:

• Realizar unha reavaliación das necesidades tecnolóxicas e os recursos dispoñibles no centro educativo coa finalidade de determinar que recursos adicionais son necesarios.

• Afondar na formación e no desenvolvemento profesional contínuo do corpo docente en colaboración co CAFI afondando na estabilización dunha liña TIC nos PFPP. 

• Integración curricular: Promover a integración da tecnoloxía no currículo escolar de maneira transversal. Isto implica identificar oportunidades para utilizar ferramentas dixitais en diversas materias e actividades, fomentando a creatividade, a colaboración e o pensamento crítico dos estudantes.

• Fomentar a participación activa da comunidade educativa no plan dixital, involucrando ás familias, estudantes e outros membros da comunidade na toma de decisións e na implementación de estratexias dixitais. 

•  Comunicar os avances e logros do plan á comunidade educativa.

Posibles obxectivos para o vindeiro ano:

• Análise de pros e contras para solicitude de EDIXGAL.
• Implementación da aplicación de Inventario.
• Liñas de PFPP posibles:
  • Paneis Dixitais Interactivos. 

Unha vez aprobado o Plan Dixital do noso centro será publicado na web do mesmo. Ademais enviarase un enlace ás familias coa entrada para facelas coñecedoras da súa publicación. Tamén se enviará a todo o claustro vía correo electrónico e ao Consello Escolar.

Enlace ao Plan Dixital do noso centro