Características socioeconómicas e culturais do contexto do centro
O ámbito de influencia do centro ten un carácter eminentemente rural e con baixa densidade de poboación. A actividade predominante no concello é a agrícola e gandeira, sendo o alumnado procedente de familias de nivel socioeconómico medio baixo. O propio centro está incluído no grupo ISEC, Índice Socioeconómico e Cultural, no nivel medio baixo. Dito índice ten en conta variables como a situación laboral e profesional das familias e os recursos culturais e materiais no fogar.
A situación de pandemia vivida nos cursos pasados, obrigounos a recoller datos de conectividade na contorna do alumnado e de infraestrutura dixital no ámbito familiar. Reflectimos un total de 54 familias (30% do total) que indicaron ter:
Problemas de conectividade derivados de: zona sen cobertura ADSL, fibra e mesmo zonas de sombra con cobertura móbil nula ou escasa.
Carecer de equipos e conexión a internet nos fogares e obter unicamente conexión a través do uso de datos móbiles moi limitados
Podemos constatar a fenda dixital existente na contorna do noso centro relacionada principalmente coa falta de coñecementos de informática e habilidades necesarias para participar na sociedade da información acentuado pola falta de infraestrutura que afecta a boa parte da zona rural do concello de Touro.
Nota Isto é un estracto da introdución do Plan Dixital aprobado en Claustro e Consello escolar. Non é posible (pola limitación de caracteres) poñer a introducción enteira nen sequera un resumo aproximado.
Os instrumentos empregados para a recollida de información previa foron os que se nos pediron desde a asesoría do plan : Selfie (no que participou o equipo directivo, o profesorado e o alumnado a partir de 5º de Ed. primaria) e o test de competencias dixitais docente ( test CDD) no que participou só o profesorado. Ademais diso, tivemos tamén en conta os coñecementos do centro que tiñan os membros do grupo de traballo encargado da elaboración do plan (infraestrutura dixital do centro, equipamento, servizos empregados polo centro...)
A partir da análise DAFO determináronse tres obxectivos de tres áreas prioritarias que se recollen nas táboas do plan de acción:
Os obxectivos indicados, están englobados dentro das áreas de mellora segundo o Marco Europeo para Organizacións Educativas Dixitalmente Competentes (DigCompOrg) : A. Liderado, B. Colaboración e redes, C. Infraestrutura e equipos, D. Desenvolvemento profesional continuo, E.Pedagoxía: apoios e recursos, F. Pedagoxía: implementación na aula, G. Práticas de avaliación e H.Competencias dixitais do alumnado. Ademais, son obxectivos SMART, isto é: eSpecíficos, Medibles, Alcanzables, Relevantes e Temporalizados. Nas táboas indícase ata onde queremos chegar con cada un dos obxectivos, e con que elementos, por medio dos indicadores e os valores de partida e chegada. Tamén se indican as accións para conseguir cada obxectivo, os responsables das accións, os recursos precisos e a temporalización.
O seguimento do Plan Dixital, realízase vía seguimento das accións de cada obxectivo detalladas no plan de acción e coa temporalización especificada.
A día 22 de decembro de 2022 atópanse en estado realizado, tal e como se reflicte nas actas correspondentes das visitas do asesor Adix, as seguintes accións:
AO1.1: Elaboración de inventario dos equipos obsoletos ou de mal funcionamento
AO1.2: Solicitude á Consellería (UAC, AMTEGA,...) da renovación dos equipos
AO1.3:Adquisición dos equipos necesarios para adecuar a aula2 ao alumnado previsto no próximo curso
AO2.1: Solicitude de cursos de formación sobre a creación de contidos dixitais e continuación do PFPP do plan dixital
A día 31 de marzo de 2023 atópanse en estado en proceso todas as accións non realizadas no primeiro trimestre, tal e como se reflicte nas actas correspondentes das visitas do asesor
A día 30 maio de 2023 atópanse en estado realizado, tal e como se reflicte nas actas correspondentes das visitas do asesor Adix, todas as accións previstas no plan de acción e, en consecuencia, cumpridos todos os obxectivos.
Para avaliar o Plan Dixital propoñemos:
Unha avaliación trimestral nos claustros correspondentes no que se valorará o estado de execucións das accións seguindo as directrices marcadas no Plan de Acción.
Unha avaliación final, no claustro de fin de curso, na que se incluirá o estado de execución das accións, e se fará unha valoración dos resultados e o logro ou non dos obxectivos. Estes aspectos figurarán directamente nas propias táboas do Plan de acción nos apartados correspondentes. Tamén se farán as propostas de mellora para a redacción da seguinte versión do plan que se deberá realizar a comezo do curso seguinte.
Agardamos instrucións do asesor para cumplimentar este apartado
O presente plan estará dispoñible para toda a comunidade educativa na páxina web do centro e haberá copia física na secretaría, na xefatura de estudos e na dirección do centro.
Na seguinte ligazón da páxina web do centro (http://www.edu.xunta.gal/centros/cpifontediaz/) pódese acceder ao texto completo do Plan Dixital do Centro: Plan Dixital de Centro
