Subscripcións a foros e envio de mensaxes de foro a correo-e de participantes.

No noso sitio Moodle (IES Campo de San Alberto) non temos a posibilidade de subscripción a foros, etc. En realidade, os usuarios poden subscribirse, mais non reciben correo-e nunca. Non sei se o problema está en non ter seleccionado ningún servidor SMTP en "Servidor -> Correo Electrónico" no bloque de administración do sitio. Alí pon que se se deixa en branco, Moodle utilizará o método por defecto PHP para enviar correo-e, pero vese que non funciona. Se isto é así, quereríamos saber o nome do servidor SMTP, e os seus nome de usuario e contrasinal, de ser necesarios. No noso centro, isto das subscripcións é moi necesario, pois temos varios grupos de traballo, Comenius e Grundtvig (internacionais) en marcha no noso Moodle, e necesitamos que os integrantes reciban correo-e cada vez que se postea unha mensaxe aos foros (por exemplo), igual que pasa con Platega. Un saúdo, Rafael Ávila Coya.