Cómo restablecer un curso
Nesta páxina descríbese a pantalla para o restablecemento dun curso Moodle.
Utilizaremos esta función ao inicio dun novo curso escolar cando imos utilizar o mesmo curso Moodle pero con outro alumnado, é dicir, cando imos impartir a mesma materia no mesmo nivel pero co novo alumnado. Para o caso dun titor ou titora de Primaria que avanza de curso cos mesmos alumnos/as, sería máis recomendable crear un novo curso (por materia) para o novo nivel.
Esta tarefa faise desde dentro do curso que se quere limpar por un usuario co rol de Profesor/a no curso ou por un usuario que sexa administrador do sitio ou xestor.
Veremos en primeiro lugar as opcións básicas necesarias para o inicio dun novo curso escolar e logo outras opcións avanzadas.
Ir a opción Restablecer do menú de administración do curso.
Restablecemento do curso para o comezo dun novo curso escolar.
Opcións básicas necesarias para o inicio dun novo curso escolar.
Sección Xeral
Podemos marcar as opción de activar as datas de inicio e fin do curso
Podemos marcar a opción para eliminar os eventos do calendario asociados ao curso.
Podemos marcar a opción para eliminar os comentarios do curso.
Sección Roles
- Nesta sección marcaremos o rol Alumno co fin de desmatricular a todo o alumnado do curso.
- Esta acción vai implicar que se eliminen todos os datos relativos á participación do alumnado no curso: envíos de tarefas, respostas a probas, cualificacións, etc.
- Non se eliminan as entradas nos foros creadas polo alumnado
Sección Libro de cualificacións
- Non marcaremos ningunha opción co fin de que non se eliminen nin as categorías de cualificación nin os elementos de cualificación manual.
Sección Foros
- Marcamos esta opción para eliminar os temas e entradas de foros do alumnado e tamén do profesorado.
Marcadas as opcións necesarias prememos no botón "Restablecer o curso"
Moodle vainos amosar un resumo das accións a levar a cabo.
- Podemos verificar o número de usuarios a desmatricular.
- Prememos en continuar.
Moodle executa estas accións e devólvenos á paxina do curso. O restablecemento do curso está feito!
Outras opcións para o restablecemento dun curso.
Ademais de utilizar este formulario para o restablecemento dun curso de cara ao inicio dun novo curso escolar, tamén o podemos utilizar puntualmente para o restablecemento de certas partes da información asociada.
As seccións deste formulario variarán en función dos tipos de actividades que teñamos incluidos no curso. A continuación describimos algunhas das máis comúns.