Interface dun curso
Unha vez creado o curso no módulo anterior, imos ver agora como configuralo. Explicaremos a continuación cada un dos apartados nós que podemos realizar algunha acción de configuración, aínda que unha vez que xa teñamos experiencia, vai a ser moi doado, xa que só será necesario realizar unhas accións mínimas.
Ao regregar á Aula Virtual poderemos ver o curso creado anteriormente. O título do curso contén un enlace que nos permite acceder ao mesmo premendo sobre el.
Ao entrar no curso veremos tres columnas con diferentes bloques de información, que pasamos a describir:
- Bloque de persoas: premendo sobre Participantes poderemos ver a lista de usuarios que están participando neste curso, calquera que sexa o seu papel no mesmo (profesores, alumnos...). Unha vez neste apartado deste participantes poderemos realizar filtros para afinar na busca dalgunha persoa en concreto.
- Actividades: neste bloque irán aparecendo enlaces aos diferentes tipos de actividades que realicemos no curso. Inicialmente so aparece un enlace a Foros, xa que cada vez que creamos un novo curso automaticamente se creará un Foro de novas (ver bloque 5).
- Busca nos foros. Bloque cun buscador de mensaxes nos diferentes foros.
- Administración. Este bloque é fundamental xa que é onde se presentan as diferentes ferramentas que nos permitirán administrar o curso na súa totalidade.
- Bloque central. Nesta sección central (principal) será onde se presenten os diferentes recursos e actvidades que creemos no curso. Inicialmente en calquera curso creado aparecerá unha actividade automaticamente consistente nun Foro de novas. Temos que pensar que o Moodle é unha ferramenta cun perfil constructivista e por iso se considera fundamental o uso dos foros para a comunicación entre profesorado-alumnado, alumnado-profesorado, alumnado-alumnado.
No exemplo que aparece a continuación pódese observar como o curso creado está subdividido en 10 apartados correspondentes a 10 semanas (configuración por defecto), xa que no momento de crealo no módulo anterior non variamos esta configuración. Enseguida veremos en qué consiste e como modificalo para adaptalo as nosas preferencias e necesidades. - Últimas noticias: aquí irán aparecendo as últimas noticias publicadas no curso.
- Próximos eventos: amosarnase os eventos que estén próximos segundo os teñamos establecidos na súa temporalización (por exemplo, unha entrega dunha tarefa).
- Actividade recente: aparecen as últimas modificacións ou aportacións realizadas no curso, o máis novedoso.
Pódese apreciar como esta distribución está pensada para que a información que se amosa na parte esquerda está máis pensada para realizar actuacións sobre o curso, mentres que a presentada na marxe dereita está enfocada cara a manter informados aos participantes. En calquera caso, o administrador, creador ou profesor do curso poderá variar esta distribución así como ocultar estes bloques ou amosar outros dispoñibles, como veremos.