2.6.1.- Definir Papeis
Ruta: Administración > Usuarios > Permisos > Definir papeis
Un papel ou un rol, é unha colección de permisos definidos para asignar a usuarios específicos en contextos específicos.
Definicións dos conceptos básicos
-
Un rol é un identificador do status do usuario nun contexto concreto. Por exemplo, profesor, estudante e moderador de foro son exemplos de roles.
-
Unha habilidade é unha descrición duna funcionalidade particular de Moodle. As habilidades (ou capacidades) están asociadas aos roles. Por exemplo, poder responder a unha mensaxe nos foros é unha habilidade.
-
Un permiso é un valor que se asigna a unha capacidade para un rol en particular. Por exemplo, usar o permiso "prevenir" para limitar a todos os estudantes a que non poidan escribir en ningún foro.
-
Un contexto é un "espazo" en Moodle, como por exemplo, cursos, módulos de actividade, bloques, foros, etc.
-
Unha xerarquía de permisos determina que permiso gana o xurdirá efecto si hai un conflito aparente. Por exemplo, o sitio permite a todos os estudantes enviar mensaxes aos foros pero o profesor impide este dereito nun curso concreto. A xerarquía de permisos permitiría a un estudante enviar unha mensaxe nun curso pero non no outro.
Roles Pre-definidos
-
Administrador
-
Creador de Cursos
-
Profesor
-
Profesor no editor
-
Estudante
-
Invitado
Na parte dereita da fila de cada rol aparece o botón "editar" onde poderemos editar os permisos para cada un dos roles.
Permisos
A matriz de permisos permite un enfoque moi granular á asignación de permisos a un rol (unha clase de usuarios). A asignación ou edición de permisos debe realizarse con grande coidado. Un cambio pode producir un profundo efecto non desexado, ou un molesto efecto do que será difícil de entender a causa.
Existen mais de 150 liñas de habilidades onde calquera dos 4 diferentes permisos poden ser asignados. As habilidades están agrupadas en 21 categorías. Recomendámosche non modificar os roles herdados (LEGACY). Aquí esta a parte superior da lista.
Términos dos Permisos
Do mais baixo ao mais alto, do mais xeral ao mais específico.
-
Non axustado ou Herdar - deixar pasar do contexto anterior (nivel mais baixo, sempre perde)
-
Permitir - deixa suceder ou permitir (mesmo nivel que impedir)
-
Impedir - alto (mesmo nivel que permitir)
-
Prohibir - impedir (nivel mais alto, sempre gana)
Exemplos de Permisos
-
Non axustado ou Herdar: si non se define un permiso, entón o permiso da habilidade é herdada dun contexto que é mais xeral que o do contexto actual.
-
Permitir e Impedir cancelaranse un co outro si se fixa a mesma habilidade no mesmo nivel de contexto. Si isto ocorre, referímonos ao nivel de contexto previo para determinar o permiso da habilidade.
-
Prohibir: Si fixamos prohibir nunha habilidade, significa que a habilidade non poderá ser anulada. Prohibir sempre gaña e crea un alto permanente.
Debido a que as habilidades nun rol poden ser diferentes e ós participantes pódenselle asignar diferentes roles, pode existir un conflito nas habilidades. A xerarquía dos permisos resolve isto dicindo que a habilidade definida para un contexto mais específico gañará, a menos que un prohibir sexa encontrado nun contexto menos especifico.
Exemplo 1. Marcos ten un rol de estudante no Curso Uno, que permite a todos os estudantes escribir nos wikis de "Todos" e "Tarefas". Pero Marcos tamén ten un rol de Visitante no nivel contexto de módulo (para o wiki "Honores") e a os Visitantes impídeselles escribir no wiki de Honores. Polo que Marcos pode escribir nos wikis de "Todos" e "Tarefa" pero non no de "Honores".
Exemplo 2. A Xesús ten un rol de "estudante traveso" que prohibe colocar mensaxes en calquera foro para todo o sitio. Sen embargo o seu profesor asignoulle un rol de "facilitador" no "Foro da Ciencia" no curso de Ciencias e Matemáticas 101. Debido a que un permiso de prohibir nun contexto mais alto sempre gaña, Xesús é incapaz de colocar mensaxes no "Foro de Ciencia".
Comprobando roles
Para probar os novos roles é necesario saír e autenticarse como outro usuario nunha nova sesión. Non debemos utilizar a opción de “Entrar como” para comprobar os novos axustes; podemos utilizar algunha conta simulada para iso.