Skip to Content

Benvid@s ao IES Santa Irene

Sexan vostedes benvid@s ao noso centro: O IES Santa Irene.

Distribuir contido

Novidades

ENTREGA DE LIBROS DE TEXTO (2024-25)

No documento adxunto poden consultar as datas e horas de recollida de libros de texto outorgados no programa Fondo Libros. 

Aberto o prazo de inscrición no programa CUALE 2024-2025

Que é o programa CUALE?

O programa CUALE (Cursos para a Formación Complementaria da Aprendizaxe de Linguas Estranxeiras) consiste nun curso oficial equivalente ao curso da Escolar Oficial de Idiomas (EOI) no que se prepara ao alumnado para a realización das probas de certificación da Escola Oficial de Idiomas. Os cursos son gratuítos e ofertados polo centro.

Anuncio do programa CUALE 2024-2025-Xunta de Galicia

Idioma e nivel

Inglés, nivel B2 do Marco Común Europeo de Referencia para as linguas (MCER).

Requisitos de inscrición

Alumnado matriculado no primeiro curso do bacharelato no ano académico 2024-2025.

Plazas ofertadas

Máximo de 20 alumnos/as.

Criterios de selección do alumnado

Se o número de solicitantes fose maior que o número de plazas dispoñibles os criterios de selección, por orde de prioridade, serán os seguintes:

  1. Cualificación final da materia de lingua inglesa do curso 2023-2024.
  2. Cualificación media do curso no que estivese matriculado/a o/a alumno/a no curso 2023-2024.

Vantaxes do CUALE

O alumnado procedente dos cursos CUALE que se matricule para realizar as probas de certificación na Escola Oficial de Idiomas de Vigo terá carácter de alumnado oficial para os efectos do número de convocatorias, polo que disporá das convocatorias ordinaria e extraordinaria para superar as probas correspondentes, unicamente no idioma e nivel cursado no programa CUALE, e non terá que aboar os prezos públicos polo acceso ás probas de certificación. Esta exención inclúe o concepto de apertura de expediente académico.

Horarios

Martes e xoves de 17:00 a 18:30 h.

Cando e onde inscribirse?

Prazo de inscrición: desde o 1 de setembro ao 11 de setembro de 2024 (ambos incluidos).

ACCESO AO FORMULARIO DE INSCRICIÓN PREMENDO AQUÍ

Normativa

Resolución do 10 de abril de 2024, da Dirección Xeral de Ordenación e Innovación Educativa.

Listas de alumnado por curso e grupo e afectado por cambio de materias 2024-2025

Publicadas no taboleiro de anuncios do centro ás listas de alumnado por curso e grupo e as listas de alumnado afectado por cambios de materias con respecto á primeira opción escollida.

Horario de apertura do centro

De luns a venres, de 09:00 h. a 14:00 h.

Xornada de inicio do curso 2024-2025

Xornada de inicio do curso académico 2024-2025

A duración aproximada da recepción ao alumnado por parte do equipo directivo e do profesorado titor será dunha hora.

Nova edición do curso de capacitación dixital 2024

Formulario de inscrición nos cursos de capacitación dixital premendo AQUÍ

Datas matrícula extraordinaria ESA III/IV (Educación Secundaria Adultos) e Bacharelato adultos

Adxuntamos información: Requisitos Idade (PREMA AQUÍ): Artigo 3

O horario de secretaría para a formalización da matrícula é de 9:00 a 14:00 horas

Prazo extraordinario de inscrición e matrícula:

-        ESA: do 2 ao 10 de setembro

-        Bacharelato Adultos: do 2 ao 20 de setembro

*As persoas que non dispoñan de Certificación Académica e non acrediten estudos que poidan ser obxecto de validación e desexen matricularse na ESA por primeira vez, deberán realizar unha proba de Valoración Inicial  de Aprendizaxe (Proba VIA), co obxectivo de adscribilas ao módulo adecuado en cada ámbito de coñecemento. Deberán cubrir na secretaría do centro o impreso para apuntarse nesta proba do 2 ao 10 de setembro.

A data da proba de Valoración Inicial de Aprendizaxe (Proba VIA):

11 setembro 2024 - 9:30 h.- Biblioteca

INFORMACIÓN DAS ENSINANZAS DA ESA:

É unha ensinanza voluntaria e gratuíta que na modalidade presencial ten as seguintes características:

As clases presenciais son diarias e os horarios de 18:30 a 21:45 h.

Validez académica oficial para continuar outros estudos ou para a inserción no mundo laboral.

Módulos e Ámbitos: A ESA está dividida en catro módulos equivalentes a 1º, 2º, 3º, 4º, da E.S.O. (no IES Santa Irene temos ESA III e IV no 1º cuadrimestre (do 11 de setembro á primeira semana de febreiro) e no 2º cuadrimestre (da segunda semana de febreiro ao 20 de xuño).

En cada un dos cuadrimestres pode cursar un módulo, polo tanto, nun ano académico (de setembro a xuño) pode cursar dous módulos e no 2º cuadrimestre pode repetir os ámbitos suspensos no 1ºCuadrimestre.

Cada módulo (ESA III e ESA IV) consta dos seguintes ámbitos:

1. Ámbito CIENTÍFICO-TECNOLÓXICO; 2. Ámbito SOCIAL; 3. Ámbito de COMUNICACIÓN

Materiais: Os materiais empregados serán os que indique o/a profesor/a de cada ámbito.

Avaliación: Non pode ser avaliado dun ámbito sen ter aprobado o mesmo ámbito no módulo anterior.

O horario de secretaría para a formalización da matrícula é de 9:00 a 14:00 horas

Certificado de competencias dixitais do alumnado 4º ESO

Está dispoñible o informe AL910-Certif.Comp.dixitais para obter o Certificado de competencias dixitais do alumnado de 4º da ESO. Este informe pode obtelo o alumnado maior de idade ou as persoas responsables a través de abalarMóbil e abalarWeb.

Os certificados COMDIX só están dispoñibles para o alumnado que teña cumpridos os 16 anos na data 30 de xuño de 2024.

O alumnado que cumpra os 16 anos no 2º semestre do ano 2024 poderá descargalo a partir do 31 de decembro.

 

Admisión FP básica. Adxudicación de prazas. Curso 2024-2025

Os centros nos que estea asignada a praza poñeranse en contacto co alumnado para confirmar a matrícula e solicitarlles a documentación que proceda.

Lista definitiva de solicitudes admitidas - FondoLibros 2024-2025

Publicada no taboleiro de anuncios do centro a lista definitiva de solicitudes admitidas do fondo de libros para o curso 2024-2025.

As persoas interesadas poderán solicitar, na secretaría do centro, o vale de material.



by Dr. Radut