IES María Casares

ORDE do 29 de xaneiro de 2024 pola que se convocan axudas para a realización de actividades de formación en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (código de procedemento ED504B).
O contido desta orde e a información complementaria atoparase na páxina web:
https://www.edu.xunta.gal/axudasle

Persoas destinatarias: Alumnado de centros educativos sostidos con fondos públicos da Comunidade Autónoma de Galicia, matriculado no curso 2023/2024 no réxime xeral de 1º e 2º Bacharelato que cumpra os requisitos establecidos no artigo 3 da orde de convocatoria.
Prazo de solicitude: do 13/02/2024 ata o 12/03/2024 (ambos incluídos)
Solicitude: Realizarase a partir da aplicación dispoñible na páxina web do programa (https://www.edu.xunta.gal/axudasle), non sendo válidas as solicitudes que non procedan deste xeito.
Presentación da solicitude: As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal. Procedemento: ED504B Actividades de formación en linguas estranxeiras.

Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

O alumnado de Literatura Galega do século XX e actualidade realizou unha saída o 27 de febreiro para coñecer algunhas das bibliotecas e librerías da Coruña.
O percorrido comezou na librería Moito Conto, na que descubriron outro xeito de achegarse aos libros e á lectura, e na cal puxeron de manifesto o seu gran coñecemento respecto das editoriais galegas e dos escritores e escritoras máis actuais. A seguir, na librería Bululú tiveron unha pequena aproximación ao
labor editorial.
Na Biblioteca da Deputación da Coruña puideron observas as distintas salas de lectura, as máquinas de microfilm e os fondos da videoteca.
A mañá rematou cunha visita á exposición do fotógrafo berlinés Helmut Newton no Porto da Coruña.

Rematado o procedemento de reserva de postos escolares para o alumnado procedente dos centros adscritos (CEIP Plurilingüe Isidro Parga Pondal e CEIP Luís Seoane), informamos que os postos dispoñibles en 1º de ESO no IES María Casares para o curso escolar 2024-2025 son suficientes para atender todas as solicitudes presentadas en prazo.

De conformidade co establecido no artigo 45.1.b) da Lei 39/2015, do 1 de outubro, reguladora do procedemento administrativo común das administracións públicas, a listaxe definitiva do alumnado con posto reservado está exposta no taboleiro de anuncios dos centros adscritos e de adscrición.

Tamén se pode consultar a información de forma telemática a través da aplicación admisionalumnado, empregando a Chave 365 ou certificado dixital. 

O pasado 15 de febreiro o alumnado de Tecnoloxía e Enxeñería  realizou unha saída didáctica para coñecer o proceso produtivo e extractivo de dous metais moi empregados como son o aluminio e o cobre.

Visitamos as instalacións de Aluminios Cortizo en Padrón e a Mina de cobre de Touro.

A continuación pódese ver unha reportaxe de todo o que puidemos observar.

Gracias ás empresas por atendernos tan amablemente.

O 7 de febreiro, dentro do programa A Ponte da Universidade de Santiago de Compostela, recibimos o profesor de física Francisco Fraga López. O alumnado de 1º de Bacharelato asistiu a unha charla en que descubriron como a nanotecnoloxía vai cambiar a nosa vida.

Puideron coñecer por exemplo aplicacións á prevención e curación de enfermidades, a produción de enerxía ou a consecución de alimentos máis sans e sustentables.